港风景① 漫游都市 潮叹昼夜

　　香港，中西融贯、新旧交错，生活节奏快，但时尚触角敏锐，随时可以get到新元素。时隔数年，Color团队再次嚟到呢个城市，发现佢发展中有保留，怀旧里充满创意，焕发着勃勃生机。等我哋跟住时间，好好咁睇下呢个久违嘅城市。

　　

　　郭玮/文 何崇仪/图

 

　　

　　香港，早晨！

　　

　　港人嘅生活节奏依然好快，日出冇耐就开始忙碌的一天。早晨，商铺嘅工人会趁上班高峰到来之前，就将一日要用嘅物料搬运、整理妥当。到咗上班时间，打工人会执到企企理理，个个滚水渌脚咁赶去上班。双层巴士、地铁准时开工，接送大家去不同的目的地 。喺大厦林立嘅中环商业区入面，旧警署竟然被改建成创意园区，原本沉闷嘅旧楼舍变晒小资cafe、西式餐厅，里面仲保留咗一些旧时候嘅面貌，吸引怀旧嘅朋友嚟围观打卡。鲫鱼涌嘅居民楼亦变成咗最近好hit嘅打卡点，人行桥上、天井中间、马路旁边，都可以影出唔一样嘅效果。油尖旺嘅热闹冇变到，吃喝玩乐一样都唔会少，逛到你唔舍得走……仲有天水围嘅日与夜、主题乐园嘅欢声笑语、离岛的静谧安逸，咁多风格唔同嘅景色，冇可能一次过去晒，我哋就先喺市区漫游。

 

 

 

 

 

　　

　　叮叮，到站！

　　

　　双层嘅有轨电车，在自己固定的轨道上已经穿行百年，係香港岛独有嘅风景之一。佢埋站嘅时候会发出“叮叮叮”嘅信号，所以大家都会叫佢做“叮叮车”。清晨的叮叮声，係催你去上班，亦係对游客嘅欢迎，傍晚之后，叮叮声变成归家的信号与“欢迎再次光临”的邀约。其实叮叮车比巴士车身窄好多，木座椅有啲硬，坐得唔算舒服，但当你被车窗外嘅景色吸引，仲点会在意咧？上环、中环、湾仔……坐住叮叮车穿过繁华商业区，古老轨迹与现代生活完美融合，两旁嘅街景好似MV咁播放，令人不由自主为佢嘅画面配上合适的港风BGM，不知不觉坐到坚尼地城总站，探寻更怀旧嘅故事。

　　

 

 

 

　香港，晚安！

　　

　　太阳落山，入夜嘅香港係另一番光景。等五彩斑斓嘅霓虹灯广告牌亮起，川流不息嘅马路、步履匆忙嘅路人变得流光溢彩，时光仿佛倒流至上个世纪90年代。马路边嘅栏杆、海傍的宣传牌、已经打烊的旧表摊档，喺光影之下都变成影相打卡嘅好地方。碎花长裙、纯色T恤，简单嘅造型稍微加上滤镜，港风大片即刻有。维多利亚港入夜后会好热闹，游客中意搭游船夜游，如果你咁啱企喺岸边，佢哋就会同你挥手互动下；对岸的高楼商厦定时会有灯光show，镭射灯随着音乐节奏律动，观众睇到欢呼阵阵；沿住海湾岸边走，醉人busking各有各精彩，好似互不打扰，一路行过去，你会好似行入咗唔同嘅音乐场景。静静的月光下，气氛热闹融洽，香港的夜会帮你纾解一日嘅疲倦。