花胶烤一烤 宵夜当补品

　　我哋一齐去BBQ咯！你会觉得我係约你去做一样嘢，定係去一家店？Color要介绍的另一家“明星饭堂”，就叫做“BBQ”！比起重口味嘅传统烧烤，呢间店讲究鲜味嘅出品，反而更啱大湾区潮人嘅口味。唔好咁早去，要夜深人静去，先搵到明星们最爱嘅风味。

　　

　　郭玮/文 何崇仪/图

 

　　深夜食堂

　　

　　讲到西营盘，可能大家会谂起，早前嘅香港电视剧《狮子山下的故事》中，开在西营盘嘅“喜欢你茶餐厅”。而BBQ呢间店亦开喺西营盘。Color君去嘅时候已经係凌晨时分，四周围嘅店铺基本上都打烊，坐车穿过高高低低嘅斜路，周围黑麻麻十分安静，就见到呢家烧烤店，店铺面唔大但客人好多。窄长嘅过道，又係开放嘅料理区，台面有少少高，喺呢区用餐，大家全程都会听到烹饪嘅声音、闻到食材嘅香味，但睇唔到烧烤嘅特别手法，都几有神秘感噶！BBQ係傍晚时间先开门嘅，一直营业到凌晨。如果大家去探店，最好就结伴而行，毕竟係深夜，而且人多力量大，可以试到更多美味！

 

 

 

 

 

 

　　保持新鲜

　　

　　同店名一样，店内嘅出品朴实无华，冇花冇假唔玩花臣。清烧鲜虾爽甜弹牙、蒜香扇贝肥厚多汁、烟肉车厘卷口感丰富、烤鸡翼回味无穷。最特别嘅就係老板力推的招牌烤花胶，名贵食材往往只需要最简单嘅烹饪方式，泡发嘅厚花胶卷起串好，烤至外层微焦，内里嘅胶体经过高温融化变得软糯粘牙，啖啖都係胶原蛋白，食完会有种错觉，皮肤即刻靓晒！老板介绍，店里嘅食材都係佢哋每日去街市新鲜采购，烹制过程只会落少少食盐，带出食物本身嘅鲜味，食嘅就係原汁原味。呢间港式烧烤店已经有廿几年历史，直到今日依然咁受欢迎，就係因为佢哋始终坚持用最新鲜嘅食材，keep住食物嘅原汁原味，就係佢哋最大的秘诀。

 

 

 

 

　　价格亲民

　　

　　咪睇佢店仔细细，但人气超旺。听闻唔少明星朋友都会嚟呢度打卡，甚至有殿堂级巨星喺呢度搞庆功宴添，但老板就十分低调咁话，佢哋都係私人行程，就冇特别影相晒出嚟啦！香港大学邻近BBQ，唔少学生夜晚会过嚟食宵夜，可见店内餐饮消费价格几咁亲民。男仔点鸡翅送啤酒，女仔点烤花胶配绿茶，点菜又唔怕有选择困难，样样试下，校园生活回忆都特别和味。