舞浪潮起 永远青春

　　

　　今年，O'Ma高校联赛（简称O'Ma）再度来袭，舞浪潮起嘅vol.3舞台令今届班马文化节熠熠生辉。37支高校舞队不留余力，为团队而战，为梦想而舞。齐舞大赛惊喜不断，个人battle热血燃爆，裁判show case更係令全场沸腾，Color君带大家一起回顾呢场充满激情嘅青春舞台啦。

　　

　　郭玮/文  O'Ma/图

 

　　

　　创意非凡

　　

　　当O'Ma团队齐舞大赛即将拉开帷幕，喺羊城创意产业园各处，都有为“战斗”花式准备嘅dancer。有啲朋友仔在拉筋放松，亦有帮小伙伴化妆盘发嘅组合，当然不乏拍照记录呢个难忘moment嘅“相机党”，园区内弥漫着青春嘅气息。大赛正式开始，各间高校都根据自己嘅校园文化或社会热点，编排舞蹈剧情，每个舞台都超有内涵：融入五行，用金、木、水、火、土元素玩转舞台；国风古典同西式芭蕾嘅优雅混搭；将年轻人喜欢嘅电子游戏融入情节；仲有嚟自梦境中嘅历险故事；呼吁大家爱护海洋的环保题材等等。欣赏一场齐舞，仿佛观看一场微电影，心情随着舞者起跳、摆动、旋转、落脚而起伏，舞蹈动线与精选配乐带俾观众感官嘅冲击。舞台聚光灯聚焦嘅一刻，表演者即刻光彩夺目，喺高校呢段短暂但美好嘅记忆中，有过一齐起舞、挥洒汗水嘅经历，青春独有的魅力展现在舞台上，係一份独一无二的美好记忆。最终齐舞赛总冠军奖杯，由珠海科技学院TATAMI Crew获得，佢哋用舞蹈讲述咗一个与爱有关嘅故事，令人为之动容。

 

 

 

 

 

　　气势逼人

　　

　　青春有冲劲，年轻人有初生牛犊不怕虎的狠劲，呢份力量喺街舞嘅battle舞台上，被选手们演绎得淋漓尽致 。秉承“友谊第一，比赛第二”嘅舞池礼仪，个人PK赛上嘅每位选手都攞出自己的看家本领。或是柔美转身，或者有力扬手，每个动作都係力与美的完美结合。即使係早前已经喺其他舞台show过绝技嘅dancer，换装再登台依然再次俾到大家惊喜；舞台新秀亦不甘落后，个人绝技令评委、观众惊叹不已。来自香港科技大学嘅“炸毛”，最终获得 HERO FINAL - HipHop Champion冠军，湾区嘅青春力量真係不容小觑！Crew battle更係气势非凡，一人“奋勇当前”，用solo舞姿肆意“挑逗”对手，继而团队顺势出击，齐舞routine力压对手。舞台上轻舞飞扬、舞台下热烈欢呼，全员开趴，气氛超燃。嚟自广东药科大学嘅GYC Crew最终喺呢场crew battle中获胜，佢哋表示，用汗水谱写冲冠之路，到达顶峰的一瞬，觉得一切都很值得。

 

 

 

 

 

　　舞动奇迹

　　

　　裁判show case，係O'Ma赛场上最令人期待嘅环节之一。今届舞台嘅导师升呢，佢哋係殿堂级嘅舞界精英，叱咤舞台多年，应对各大场面柔韧有余，欢呼掌声就係佢哋全情投入嘅“助推器”。游刃有余的律动、有力的地板动作、灵敏的手部姿势……每位裁判都为现场掀起一个热浪，前浪未退后浪已到，精彩现场真正诠释咗“舞浪潮起”嘅含义。前辈嘅鼓励，于晚辈而言係一颗定心丸，晚辈嘅努力拼搏，坚定前辈嘅初心，两者相辅相成，再不是孤军作战。筑梦路上，有动力、激情、同伴，一路同行，不再遗憾，下个舞台，期待你哋带着更大的惊喜过来，再创奇迹！