缤纷2023年 COLOR与你齐走花路！

　　策划：骆苹、曾敏妍

　　统筹：曾敏妍

　　执行：郭玮、黄译萱、饶禧、张子殷、王慧诗、秦丽莹、吴雨晨、汤唯闻

　　2023年即将冲刺，回看过去一路披荆斩棘，成就精彩嘅花路！喺努力奋斗嘅呢一年里面，Color同你一样，有好多值得记住嘅回忆。你会用怎样的方式来mark低呢份美好？平时都非常讲究仪式感又计仔多多嘅Color，继续同大家一起玩，将记录的方式都变成另一份美好！

　　

　　黄译萱/文 Color团队/图

 

　　花咈“晒”圈

　　

　　作为潮人，传统嘅总结list唔啱我哋，一定要玩出新花臣先够过瘾。晒朋友圈太日常，要尽show可乐君星光熠熠嘅朋友圈，将艺人朋友仔嘅靓相做成专属靓卡，签名之后更显价值，Color独家威尽湾区；就算唔係明星嘅friend都可以有靓相，复古大头贴拍起身好似“小学鸡”，但多年之后再睇翻，真係超touch人心；晒朋友、晒靓景，有啲记忆真係可以用太阳晒！蓝晒手艺将图像记忆固定，把美好变成随身携带嘅潮物，你2023年嘅回忆会变得更有意义。花咈“晒”圈方式，可乐报期期都有好嘢介绍：跟住“店志““饭局”，同friend创造美好记忆；“DIY”手把手教技能，饮饮食食嘅边角料都唔浪费，变废为宝好耍家……连Mark低美好嘅方式，都係独一无二嘅！

 

 

 

 

 

　　夜蒲充电

　　

　　日常工作忙碌，换来夜晚嘅难得散漫。广州係个“不夜城”，蒲嘅方式有千万种。约埋兄弟姊妹、家人soulmate登高睇景、江畔吹风都好写意，如果挽手一起倒数跨年，就更加意义非凡；演出盛行，点可以唔join翻一两个show释放下压力，放肆跳跃放胆尖叫，尽情释放情绪定会够尽兴；唔中意嘈杂嘅可以选部电影，沉浸式进入剧情，忘我咁漫游于光影视嘅迷幻之中，enjoy片刻嘅天马行空……由质疑夜蒲到理解夜蒲，最后投入夜蒲，因为夜蒲可以释放自己，放低过去更好拥抱未来。所有嘅唔开心都喺夜幕中消散，每天都係新的一天！平时有“行走“打卡”嘅潮流指南，从日出嗨到日落，Color都可以帮你plan好！跨年又係一个非常有仪式感的时刻，放松hea嘅同时，仲可以来个地标city walk，为迎接新一年储备好能量。

 

 

 

 

　　独家 “星”呢

　　

　　今年係Color 20周年嘅大日子，亦係“班马”全面升呢嘅一年。“班马去威”唔止係一句口号，羊城派上线送出盲盒福利、多巴胺市集、O’Ma高校联赛、“我为原创歌曲打call”busking活动、班马文化节、大湾区艺人嚟“班马”倾计……从6月份直接玩到年底，不断带俾读者粉丝惊喜。我哋识咗好多明星friend，同佢哋玩咗好多新嘢，喺“粤语课堂”交流，周围奔走、在“UP在湾区”宣传湾区非遗文化，穿街过巷认识新广州，pick up旧时嘅欢乐时光……我哋同啲“星”级老友夹手夹脚，将“班马”打造成湾区至in打卡地，令更多新粉丝认识“可乐生活”，亦用独特嘅方式令明星friend记住我哋。