“百年船坞”扬帆起航

　　

　　新一年，我哋可以去珠江边新地标“扬帆起航”啦！去年年底重新开放嘅船台1914，一下子就刷爆网络，唔少街坊睇完都发出惊呼：呢个仲係我哋认识嘅芳村吗？经过国际建筑大师隈研吾团队操刀改造，百年船坞冲破时光桎梏，摇身一变成为艺术地标，让大家解锁新一种睇江景姿势，随手一拍都係大片。　

　　

　　

　　

　　T台放肆影

　　

　　从11号线鹤洞东站出来，就可以直达船台1914。远处嘅船台，好似迎风扬起嘅船帆，又似高高翘起嘅船头，打造出错落有致嘅观景平台。一到咗傍晚时分，夕阳为楼梯镀上一层金边，就係拍摄剪影大片嘅黄金时机。行上台阶，恍如行上星光熠熠嘅T台，铁锈色嘅表面係岁月畀嘅专属印记，充满独有的工业风质感。楼梯中间嘅缤纷花丛，好似喺锈迹甲板上茁壮生长嘅，为硬朗嘅工业风添咗几分文艺清新，俯低身靠近花丛更加出片。爬上船头最尖端嘅位置，成个珠江航道尽收眼底，难怪呢度成为打卡嘅必争之地。行落下沉广场，超长走廊上屋檐线条同天空勾勒出嘅几何构图，让照片瞬间充满纵深感。来到江边记得回头望，完整嘅船台全貌展露眼前，气派十足又充满艺术感。水闸前的人造瀑布，十足十船头掀起嘅浪花，同旁边嘅石阶相映成趣，随便点拍都好有艺术feel，等夜晚灯光着起，呢度即时变身时尚T台。

　　

　　回忆劲威水

　　

　　如果你对船台后嘅数字“1914”感到好奇，咁来到现场就可以揾到答案啦！“1914”唔单止係广南船坞喺1914年创造嘅威水史，更係广船百年修船史嘅回忆录。打卡人群中，不时有老职工指住某个方向，和屋企人细细讲起佢哋青春往事。江边生锈嘅水井盖和船墩、充满岁月痕迹嘅老旧水闸、巨型红色龙门吊，通通都被精心保留；原先新船入水嘅轨道，被巧妙改造成高低错落嘅石台，一路向着江水延伸，仿佛穿越历史同现实嘅时光隧道；下沉广场嘅珠江会客厅，展出船台嘅前世今生。大家漫游其中，或者影相打卡嘅时候，都可以感受到船台曾经嘅辉煌风光，有种时空交错嘅奇妙感觉。

　　

　　周边有新嘢

　　

　　船台1914唔单止有靓爆镜嘅自然景观，内里仲超有料！未来呢度会迎来中国内地首家茑屋书店选书空间、苹果Vision Pro XR艺术馆等好玩地。打完卡，不妨行下周边，解锁更多惊喜！从船台1914出发，沿住滨江步道行大概16分钟，就嚟到广船滨江公园。滨江步道上嘅齿轮部件，记录住呢度曾经嘅工业地位，透过齿轮睇江上往来嘅船只，别有一番风味。公园里面异木棉花正开得灿烂，细路仔喺船型游乐设施中玩到唔舍得走，係周末遛娃嘅绝佳去处。行到攰咗，就搭11号线去大冲口，聚龙湾太古里已经正式开门迎客，穿过高低起伏嘅纯白走廊去觅食，打卡网红新店。由日头玩到夜幕降临，沉浸式感受芳村全新地标嘅蝶变。