出发！同嘉豪“揸车”去威

　　

　　“沿途望出车外，是盛放的恋爱”，洪嘉豪嘅《黑玻璃》喺旧年入围“叱咤乐坛我最喜爱歌曲”，本身就好中意车嘅嘉豪话，新一年要亲自“揸车”，带Color君同大家出去威下！讲到与“车”相关嘅粤语，唔知你又识几多咧。

　　

　　

　　泊车 paak3 ce1

　　呢个词源自香港汉字用语，由粤语“泊船”与英文“park”结合演变而来，专指将车辆停放喺指定位置，而且司机离开车辆的长时间停放行为。喺粤语里面，该词与“停车”係有区别嘅，“停车”一般指车辆短暂停留，司机唔会离开。

　　造句：牛牛负责泊车，嘉豪表示好紧张，一直帮手睇住后视屏幕。

　　

　　揸车 zaa1 ce1

　　揸，喺粤语中有抓、握嘅意思，手抓方向盘，就叫“揸住方向盘”啦，“揸车”即系手握方向盘驾驶汽车。但凡係需要握住操控装置驾驶嘅交通工具，都可以用“揸”嚟表达“开”嘅意思，例如“揸飞机”“揸船”。

　　造句：知道今日场活动好重要，嘉豪一大早就揸车出门，保证唔会迟到。

　　

　　车大炮 ce1 daai6 paau3

　　呢个词喺广府、客家以及闽南语方言地区都好流行，意思係吹牛、说谎、言行浮夸。该词由“奢大奅”演变，粤语中“奢”有夸张之意，“奅”就係“以大言冒人”，即夸大言辞嘅意思。因为“奅”同“炮”同音，慢慢就演变成“车大炮”。

　　造句：迟到就迟到啦，仲要车大炮、谂咁多理由，不如谂下点样追翻啲时间好过啦。

　　

　　

　　车天车地 ce1 tin1 ce1 dei6

　　呢个词嘅正确写法其实係“奢天奢地”。“奢”同样取夸张之意，指讲话夸张，上至天文下至地理，都乱吹一通，或者係谎话连篇，将事物吹到天花乱坠。广州交通广播电台有档节目叫《车天车地车世界》，专门同大家分享新车资讯、讲汽车圈中嘅新鲜事、八卦嘢。

　　造句：有时车天车地讲啲不切实际嘅嘢，打发下时间都几开心。

　　

　　摱车边 maan1 ce1 bin1

　　“摱”有攀扶、依附嘅意思，“车边”係指车辆的边缘位置，睇字面意思，就係指不支付费用，通过攀扶在车辆外部实现免费乘车的行为，后来衍生出借助他人资源或时机获取便利的引申义，常用于商业合作、社交活动等场景。

　　造句：摱嘉豪嘅车边，参加今次个party，仲有机会同陈蕾合影。

　　

　　雪糕筒 syut3 gou1 tung2

　　讲嘅係圆锥形嘅交通路障，外形似倒放喺地上的雪糕甜筒壳，香港人习惯将呢类路障统称为“雪糕筒”。广府人最中意饮饮食食，但如果揸车上路，遇到“雪糕筒”“牛肉干”（罚单），相信大家都冇晒好胃口啦！

　　造句：等阵出到路口要小心啲，避开嗰两个雪糕筒。