新春潮服“双轨”法则

　　

　　电视剧《双轨》播出后，男、女主角戏内戏外嘅穿搭都成为热门。电视剧中去哋enjoy速度与激情，玩转赛车服。剧外，男生係chok爆型男，女仔软萌甜美，每款穿搭都啱晒新年打扮自己，跟住呢啲“法则”去着，实会好标青。

　　

　　

　　

　　潮穿新中式

　　

　　颜色有惊喜

　　

　　饰演“靳朝”嘅何与，佢代言嘅运动品牌今年推出中式盘扣开襟系列产品，凭住缤纷配色+百搭属性直接爆火！最抢手嘅红色款，好啱喜庆嘅日子着，配条简简单单嘅深色裤就够晒型；黄色系列自带贵气，大家可以学欧阳娜娜咁，搭格仔裙摆加牛仔裤，穿出嬉皮士嘅感觉；针织衫系列比较贴身，相对更斯文，衬浅色麻质阔腿裤，特别出片；深色同高饱和度嘅亮色相撞，仲有惊喜效果添！呢款中式盘扣系列服装，每只颜色都有自己嘅拥趸，只要搭配好颜色，你就会成为最出彩嘅新中式潮人。

　　

　

　　印花最加分

　　

　　《双轨》女主角有好几套出圈嘅中式穿搭，靠嘅係清淡印花配旗袍式盘扣。中式美学混搭牛仔运动风，以单宁牛仔为主体，融入大量中式印花同刺绣，密集印花自带气场，“火马”图案更寓意万马奔腾；设计师用唐装工艺打造牛仔套装，将古典美与工业风完美融合。女装设计更见巧思，大胆植入花棉袄、旗袍等国风元素，再用拼接、叠加手法，让花布、牛仔、中式、运动风嘅碰撞更和谐。新春佳节着新中式服饰係最啱嘅，拣件带暗纹印花嘅款式，细节分直接拉满！

　　《双轨》中女主中式穿搭

　　

　　

　　超型机车风

　　

　　纯色vs花咈

　　

　　马年到！想好似机车咁“马”力十足，机车风穿搭最啱你。剧中男主 “靳朝” 钟意赛车，成日着住机车皮褛，衬埋同色系摩托头盔，型到爆！男士穿搭其实好简单，黑色背心或者纯色T恤打底最百搭，搭咩色系外套都唔会错。机车服大多係深色底，除咗简约纯色款，贴满各色logo嘅花款更受欢迎。拣同色打底配同色下装，就可以减低造型杂乱感，焦点自然落到抢眼嘅外套上。“靳朝”每套机车look都咁样搭，所以令观众对佢件外套印象深刻。新年聚会咁样穿，保证大家会因为你件靓衫记住你！

　　

　　露肤更吸睛

　　

　　《双轨》里面个个识玩赛车，连女仔都中意飙车追男仔，所以机车服造型出镜率超多！不过，机车服版型偏大有厚重，身形娇小嘅女生穿起来好容易显得累赘。女主角“姜暮”衣着就好有心思，走少女路线嘅佢，巧妙咁用蕾丝短裙搭配机车外套，长腿一露，令整体造型变得轻盈灵动。至于佢嘅“情敌”就另辟蹊径，拣咗紧身款小皮衣，内搭低胸小背心打底，稍稍露腰嘅小心机，令佢嘅造型女人味十足，攻击力都加分。新年假期出去玩想 chok 爆全场？可以学“姜暮”咁用短裙、短裤衬机车服，增加露肤度，造型够晒有活力，回头率爆表。