《以家人之名》剧照

《志明与春娇》剧照

《你是我的城池营垒》剧照

《变成你的那一天》剧照

《爱上特种兵》剧照

　　最近，热播的电视剧有唔少都是温馨搞笑的甜剧，令人又喊又笑之余，忍唔住向往甜蜜的爱情！如果你亦喺度拍拖，知唔知道在粤语的世界里面，你哋进展去到边个阶段？心大心细、出尽八宝、牛皮灯笼……你係追人的那位，定係畀人追的那位？

　　

　　曾敏妍/文  剧照/图

　　

　　

　　

　　各花入各眼 gag3 fa1 yeb6 gog3 ngan5

　　

　　由于审美观唔一样，每个人对所见到嘅花都会有唔一样嘅见解，粤语中会将佢引申为兴趣、爱好、审美等观点上嘅不一致。相近的词有"见仁见智"、"青菜萝卜各有所爱"。

　　之所以用花嚟指代观点，其实亦有互相包容的含义喺入面。梅，高洁傲岸；兰，幽雅空灵；竹，虚心直节；菊，冷艳清贞，四种花草有不一样的诗意和品性，但它们也可以係一个整体，梅、兰、竹、菊被称为"四君子"，在同一个空间和谐共处。

　　

　　

　　【造句】贺子秋好暖男！但李尖尖偏偏中意冷冰冰嘅凌霄，只能够话各花入各眼啦，最紧要係自己真爱！

　　

　　

　　

　　立定心水 lab6 ding6 sem1 seu2

　　

　　立定，係决定、下定的意思；心水，係决心、心思、心绪等意思。两个词加埋，就係下定决心、专心致志、一心一意的意思。粤语中，"立实心肠"、"的起心肝"都係佢嘅近义词。

　　恋爱嚟到呢个阶段，就算是两人确定心意同关系，正式开始拍拖啦！

　　

　　

　　【造句】经过16集嘅专心搞事业，"卡壳"CP终于立定心水喺一齐了！睇到大家都好心急！

　　

　　

　　

　　心大心细 sem1 dai6 sem1 sei3

　　

　　这个词係形容人摞不定主意，犹豫不决，唔知点算，相近的词有"个心十五十六"。

　　无论追人定係畀人追，或者有个行动上嘅犹豫期，而犹豫时候嘅表现，好容易延伸变成暧昧期，或者闹出唔少误会。

　　

　　

　　【造句】家明同春娇点解咁耐都冇挞着？因为两个人都心大心细，谂得好多咯！

　　

　　

　　牛皮灯笼，点极都唔明 ngeo4 pei4 deng1 lung4， dim2 gig6 dou1 m4 ming4

　　

　　

　　这个其实是一个歇后语。点：点灯，指点；明：光亮，明白。意思係，用牛皮做嘅灯笼唔透明，点着咗都睇唔到光，换言之，点极都唔明。一语双关咁表述，无论你怎么指点都唔明白你嘅意思，形容人的愚蠢，接受能力低。

　　喺恋爱过程中，有一方鼓起勇气表白的时候，就一定可以推动恋情嘅进一步发展？如果对方心意相通，当然水到渠成，但万一遇到一个点极都唔明嘅人，就真系头大啦！分分钟都是尴尬现场。

　　

　　

　　【造句】国外返嚟嘅"ABC"梁韶雪，暗示只会背古诗词嘅田勇告白，点知道呢个牛皮灯笼，点极都唔明！

　　

　　

　　公不离婆，秤不离砣 gung1 bed1 lei4 po4， qing3 bed1 lei4 to4

　　

　　秤和砣是一整套测量重量的器具，缺少一个就无法使用。呢句话一般用来戏称果啲形影不离的夫妻。

　　如果两个人已经日日黐喺一齐嘅话，应该就係恋情发酵到最甜美嘅阶段了，恭喜晒！

　　

　　

　　【造句】身体互换嘅剧情，加上男女主角都有感觉，注定係要公不离婆，秤不离砣啦！