话咁快《金宵大厦》嘅故事就告一段落啦，由Coco同旭辉开始，到Joey与Ella结束，穿越万年，里面嘅角色或往返于唔同次元，或切换不同时空，虚虚实实、患得患失，都係呢两个演员用唔一样嘅造型同演技，生动咁为大家诠释特定维度里面嘅“自己”。Color同大家再次进入“金宵大厦”，睇下佢哋有咩靓look啦！

　　

　　郭玮/文 《金宵大厦1&2》剧照/图

　　

　　

　　

　　制服最诱惑

　　

　　《金宵大厦2》一开波，就係“医生”同“病人”嘅故事，同《金宵大厦1》用“空姐”同“保安”嘅制服诱有异曲同工之妙。一身洁白长袍係最经典嘅医生look，白衣天使一向象征纯洁善良，妥妥暗喻李施嬅喺剧中嘅角色走好人路线。而空姐装扮则别具韵味，深色系制服配黑丝性感迷人。陈山聪嗰句对白：“阿萧精神，服务人群”，令观众够嗮印象深刻，而佢嘅制服造型也颇为经典。一件简简单单嘅男装白衬衫，打肽配黄穗绶带，就係贴地security，改成肩章就即刻变captain。如果大家中意制服嘅魅力，都可以学下佢哋拣翻自己想尝试嘅style哦。

　　

　　

　　

　　松垮至潇洒

　　

　　

　　陈山聪喺《金宵大厦2》中嘅角色，职业定位为咖啡师，同第一部有好大唔同。第二部中嘅佢行事作风都好潇洒，“撩女仔”技能堪称一绝，佢同每个维度嘅“李施嬅”都许诺“带你去我嘅世界”，真係几冧到人噶。区别于中规中矩嘅大厦保安造型，无论係Maurice定係Joey，佢都中意穿宽大松垮嘅悠闲套装，显得不羁放纵爱自由，表现呢个人物“渣渣哋”嘅人设，黑白灰嘅配色简单，胜在够百搭，点衬都唔容易出错。最妙嘅係，佢偶尔会衬翻啲同色系嘅印花衬衫，令到整体造型不至于太单调，有种“浪子”既视感，更加符合佢个角色设定。喜欢潇洒风格嘅boys，不妨试下呢种穿搭方式，可能会有唔一样嘅charm。

　　

　　

　　衬衫显斯文

　　

　　

　　如果想要斯文书生feel，一定要试下针织套衬衫，以及set翻个整洁油头。贯穿《金宵大厦》系列嘅大眼“林哥仔”，就係靠针织衫同衬衫塑造形象，一出场散发浓浓书生气息，关键潮point喺发型度：一丝不苟嘅油头俾人精致又体面嘅感觉，加上温文儒雅嘅举止，十足十係饱读诗书的模样。而《嫁衣》单元中嘅裁缝“小程”，虽然内心占有欲极强，但一身斯文到出汁嘅衬衫加吊带裤，谁能想到佢儒雅外表下竟然心怀鬼胎？

　　

　　

　　

　　旗袍劲迷人

　　

　　

　　“金宵舞厅”靓女多，嗰个年代最磢镜嘅靓衫非旗袍莫属。旗袍可以将女士婀娜多姿嘅体态完美展现，再有红唇乌发、仲有欲拒还迎嘅小披肩加持，瞬间令人穿越到紫醉金迷嘅大舞厅时代。李施嬅饰演嘅Coco就有一个特别经典嘅旗袍造型，浅色系旗袍清新可人，配深色大花图案，吸睛程度100分，难怪情陷Coco唔止旭辉一个。第二部嘅《嫁衣》单元中，连诗雅饰演恨嫁小女人，一身红旗袍充满女人味，令人眼前一亮。旗袍係一个时代嘅象征，想沉浸式玩转复古，旗袍一定帮到你！