广州酒家“乘风破浪粽”

　　

　　

　　端午节就快到啦！每到呢个时候，造型更sharp、口味千奇百怪嘅“新品粽”全部走晒出嚟，甜酸苦辣的粽都要出来抢下C位。传统口味嘅粽成日食，过节梗係要试下新嘢啦！至于好食唔好食？等Color“粽”磅出击之后话大家知啦！

　　

　　黄芷晴/文  品牌官网/图

　　

　　

　　上头新物“粽”

　　

　　

　　如果话水果粽属于“外貌派”，咁接下来要介绍嘅，就係“有内涵”嘅派别了！真真老老、百事可乐两个品牌联手，推出肥宅必爱“可乐粽”：甜味糯米包裹绿豆沙口感嘅可乐流心，入口会有麻酥酥嘅碳酸味，冲击食客口腔神经。有人觉得just豆沙粽，但都有食客留下咁嘅评价：“人要为自己的好奇心付出代价。”热门茶饮都做成馅料，热门美食亦唔可以执殳。传统品牌广州酒家、五芳斋都好识玩，仲推出咗蛋黄藤椒牛肉粽、香烤鳗鱼粽、藜麦八宝粽、臭豆腐粽……睇少一个字，都以为自己係在点餸，有冇人想挑战下？成行成市嘅“螺蛳粉”做馅料嘅粽，由香软糯米混入螺蛳粉嘅灵魂脆爽配料，木耳、酸笋浸入鲜味汤汁，咸香微辣令人意外惊喜，味蕾同嗅觉都会是一次奇妙的尝试。

　　

　　

　　舌尖水果趴

　　

　　

　　水果粽摒弃传统糯米基底，选用晶莹剔透嘅木薯淀粉冰皮做“皮囊”，口感上更加糯软、清爽。甜口嘅冰粽皮，注定同sweet sweet嘅水果馅更啱KEY！为咗满足后生仔女猎奇嘅心意，屏荣食品的新型粽，喺口味嘅搭配上越来越放飞自我：芝士桃桃、幽兰拿铁咖啡、酸梅芭乐、茉莉芝士……斋听啲名会以为自己去咗茶饮店添。榴芒一刻让杨枝甘露同榴莲相遇，甘甜与香滑碰撞，呢个搭配就真係令人流晒口水，再用吹弹可破嘅水晶皮，包裹住流心果肉内陷，咬一啖，榴莲香、芒果香在口中大爆发，经过一轮融合，发现仲係榴莲先係“大主角”！

　　

　　

　　传统“口水味”

　　

　　

　　“有颜有内涵”嘅潮流嘢始终唔够应节？传统粽入面，都有超出你的知识范围嘅品种。例如，来自粤西嘅传统粽子“蛤蒌粽”，你有冇食过？“蛤蒌”（gap3 lau1），其实係“蛤乸”最中意“搂”住嘅草本植物，自带一种类似“口水味”嘅特殊气味，切碎嘅蛤蒌叶，捞埋糯米，再放入蛋黄肉馅，蒸制后既可以消除猪肉的肥腻，又可以中和糯米的湿热。蛤蒌粽可以话係粤西地区传统文化嘅符号，佢嘅制作技艺发展，对研究当地历史文化、民风民俗等等，都具有重要意义噶。《舌尖上的中国》第二集，专门介绍过国家地理标志产品嘉兴粽，用秘制的酱油和老黄酒做的料酒腌制的肉，糯而不糊，肥而不腻，咸甜适中，都值得一试。