前段时间，热度颇高的电视剧《回来的女儿》，用一单扑朔迷离嘅失踪案，掀起一阵追剧热潮。除咗剧情够刺激，极力还原上世纪90年代气息的服化道，营造出的氛围也让观众有极强代入感。都话时尚係个圈，剧中角色嘅复古打扮，放到当下依然係时尚感爆灯噶。

　　郭玮/文 《回来的女儿》剧照/图

　　牛仔：永远on call

　　如果时尚有轨道，牛仔肯定从来都冇偏离过主干道。剧中嘅“程威”用一身牛仔套装，炫耀自己从城市归来，经典牛仔外套带着几分痞帅味道，衬上中分发型，都似似哋“华弟”。浅色牛仔料同羊羔毛合体擦出神奇嘅火花，牛仔嘅硬朗被羊羔毛嘅温暖柔化，可以有街头风的酷，又可以显得乖巧。想要有层次感，不妨试下牛仔同连帽卫衣叠穿，无论係修身款，定係oversize嘅款式，穿喺女仔身上都特别有味道。

　　针织：花纹减龄

　　针织衫够保暖，係秋冬季常备嘅时装。粗冷线立体，细毛线就精致，男女老少都可以拣到自己中意嘅款式。尽管剧中嘅小镇青年在衣服颜色选择上，多数偏好大地色系，但少女针织毛衣上嘅立体绣花、少年服装上错位拼接嘅大色块，都能很好地体现出佢哋年轻有冲劲嘅特质。即使係容易显年纪嘅灰色系毛衣，配上花哨嘅多彩条纹图案，都即刻大减龄，后生仔穿起都不违和噶。

　　西装：搭配出彩

　　西装容易俾人正式庄重嘅感觉，如果想增添时尚咁，就要靠内衬搭配，或者配饰点缀。男款西装偏fit size，肩宽、腰身要贴后穿着者嘅体型，里面衬上条纹衬衫，再加条比较花哩碌嘅领呔，就能显得年轻有干劲。如果将打底嘅花衬衫开成大V领，玩世不恭嘅二世祖模样就出晒嚟。女装西服多数追求贴身显腰线，如果係丝质长褛款，可以搭配丝巾更显气质。

　　夹克：硬汉感觉

　　每位男士都希望展示出自己宽厚嘅肩膀，可以俾到人安全感。男装夹克就能精准狙击呢份小心思，短款宽肩设计，唔单止可以显腿长，更令男士上身显得宽厚强壮，魅力即刻倍增。为咗令外套版型更挺，夹克采用嘅材质相对较厚硬，皮质面料有防水襟邋遢嘅优势，灯芯绒面嘅飞行夹克就更洋气。深色系列点衬都唔会出错，亮色系搭翻花哨啲嘅内衬就更适合。

　　高领：气质在线

　　剧中嘅“廖穗芳”係公认嘅小镇时尚标杆，佢嘅永远有种傲娇气质女嘅既视感。无论係呢子大衣定係翻领外套，佢都中意内搭一件高领衫做打底，而小镇上其他青年也都有同款look。高领衣服可以显得颈部线条纤长柔美，将女性独有嘅魅力尽show。男仔穿高领都可以显得斯文干净，如果係颈偏短嘅朋友，穿高领打底嘅时候，可以衬翻V领嘅外套，领口开低少少，能更好地呈现拉长颈部嘅视觉效果。