乍暖还寒嘅早春时节，贪靓嘅小姐姐，经常喺讲风度定要温度之间横跳犹豫，尤其係着裙嗰阵：光腿性感但“冻人”；厚裤袜温暖但唔够索……为咗又保暖又迷人，光腿神器成为好多靓女嘅好选择。跟住Color拣翻对至啱key嘅光腿神器，包你新年开工sharp爆全场！

　　郭玮/文 品牌官网/图

　　

 　　艾尚云芷的袜裤

　　以假乱真

　　光腿神器最犀利嘅地方，就係佢除咗保暖之外，仲有美化皮肤、修饰腿型等功能。选择光腿神器时，要注意尽量选择接近自身皮肤嘅配色，佢哋一般由保暖毛绒同表面丝袜两层材质组成，打造以假乱真嘅透肉感，因此在脚趾嘅位置，就容易因为两层布料线缝错位而堆积，手动调整帮佢哋复位就可以更舒服。选择肤色光腿神器的时候，要根据自己嘅身高体重拣最啱自己嘅size，太宽松嘅话，裤身容易起皱褶，but太紧身又会挤啲赘肉出嚟。为咗令穿着者身段显得更完美，唔少牌子嘅光腿神器会用特殊材料为裤袜加压，令到佢有瘦腿功能，穿着嘅时候可能费劲，但上身之后压力均匀，唔单止显瘦，更能舒缓静脉曲张。因为丝袜表层容易刮蹭破损，双层可替换式光腿神器就更方便，佢可以随意替换表层嘅丝袜，贴心小纽扣防止袜裤错位滑落，毛绒内衬又可以循环用，几环保嘎！

 　　佰姿缘（加绒）

 　　有棵树

 　　韩国zauo光腿神器

 

 

　　cool魔至冧

　　讲到靓丽性感嘅代表，点少得制服配黑丝嘅空姐look。贴近原肤色的光腿神器其实最容易衬衫，与浅色系裙装特别合衬，但如果觉得次次都肤色光腿有啲斋，都可以尝试更性感迷人嘅空姐袜哦！空姐袜一般以肤色毛绒内衬做底，表层丝袜面就有黑色、灰色等百搭色系可以选择，穿上之后完美展现黑丝透肉嘅独特魅力。因为空姐工作强度大，又容易有刮蹭，所以空姐袜同普通光腿神器相比，唔容易勾丝而且更丝滑耐穿。仲有一种马油袜亦係空服人员中意选择嘅款式，佢嘅面料同样抗磨抗勾丝，而且有金属光泽感，自带显瘦效果，特别适合衬皮质短裤、短裙，扮chok摆拍好出片。所有袜裤都有唔同嘅厚薄度可以选择，大家可能根据天气同自己嘅耐寒程度嚟选择。Color要提醒大家，保暖真係好重要，女仔时刻要照顾好自己身体哦。

　　

 　　珞樱马油袜

 　　空姐袜

　　防剐蹭实验

 　　沐町丸子光腿神器（四种厚薄）

 　　宝娜斯空姐袜配色

 

　　减龄法宝

　　百褶裙、女团服衬番对长筒袜，係非常减龄嘅经典穿搭。过膝嘅大腿袜好容易将大髀嘅肉肉挤出，一体式的假两件光腿神器就完美解决咗呢个问题。光腿神器都有拼接款，大腿位置依然係逼真的肤色，小腿段就接驳有色长筒袜，不同长度可以打造唔一样嘅视觉效果，黑白灰基础色，穿起来少女味爆灯。无缝连接嘅袜体均匀受力，腿部线条丝滑冇赘肉，裙摆扬起你就係最灵动嘅美少女！因为裤袜整体加绒，无论接驳嘅色块长度如何，露出嘅“假肉”几多，神器都保证成条保暖，风度、温度可一键全收。

 　　拼接白色

 　　

　　卡通加绒拼接款

 　　美尚派

　　（不同长度效果）

 　　谧诗拼接裤袜

 　　IT Tidal Port卡通