忙碌一天，返到安乐窝最想做嘅，就係食上一餐热焫焫嘅饭餸，幸福感即刻返晒嚟。尽管立春已过，仍有冷空气不时到访，一台饭餸可能未上齐就已经冻冰冰了。呢个时候就需要暖菜板发挥作用，让满桌食物保持热气腾腾，等你食到啖啖都咁warm。

　　郭玮/文 品牌官网/图

　　轻巧识“执位”

　　屋企已经有电磁炉、微波炉、蒸炉等各种可以热菜嘅小家电了，点解仲要整多块暖菜板？其实，我哋可以将佢理解成暖杯垫plus、迷你版灶台、移动的微波炉……同传统嘅热菜小家电相比，暖菜板最大卖点係放在餐枱上用，轻巧而且不限制容器材质。

　　尺寸方面，可以按照餐枱大细或者用餐场景来选。一人食嘅朋友可以选择单人板，啱啱好可以放一饭一餸加个汤；如果屋企人多嘅，就要选大号板，放大大碟6个餸都冇问题；经常有亲友过来聚餐、饭厅又够大嘅屋企，就要用转盘式暖菜板先得了，放喺餐台够大方得体，有啲旋转面板仲配埋电力推动，匀速流畅循环转。暖菜板仲有“能屈能伸”款，可以根据饭餸数量，自由拼接size和形状，一人食或者多人聚餐都冇问题。

 　　妙丁折叠暖菜板

 　　美的饭菜保温板

 　　小熊热菜板

 　　OLAYKS拼接热菜板

　　细节好暖心

　　暖菜板主打嘅恒温功能，可以帮大家keep住饭餸嘅最佳尝味温度，又唔使反复加热，影响菜肴嘅口感。除咗基础的恒温功能，唔少智能暖菜板仲有好多暖心设计。它们通常有多种模式可选择，热菜、暖汤、温牛奶范范掂，转盘式暖菜板中间位置，通常会设计成火锅炉位，你可以一时兴起打个边炉或者炒个菜；有定时设置，你想几时开始暖餸都得；设有儿童安全锁，防止活泼嘅细蚊仔手多多烫伤，暖菜板周边亦有防烫手设计，唔觉意掂到都冇事。各种餸菜放喺上面加热，难免会有菜汁残羹滴落，所有暖菜板面料都防水易清洁，日常清洁只要湿布轻轻擦拭。

 　　小熊热菜板

　　（方便清洁）

 　　OLAYKS

　　拼接热菜板

 　　荣事达折叠款（不烫手）

 　　康佳转盘暖菜板

　　（中间火锅）

 　　  变身易收纳

　　生活越嚟越方便，全赖屋企有咗越嚟越多“小神器”，小家电虽小但多，收纳起身又真係几头痛。一般硬板式的暖菜板，可以当台布放在桌面上使用。而上面提到的自由拼接式的暖菜板，係可以拆卸再收纳嘅，拼接板有经典方块款、六边形款以及花朵形款，平时想点拼就点拼，花朵形拼板更有拖线连接，每块菜板都有独立嘅电路，每款菜色都可以调教到最合适嘅温度，精准加热、减少耗电，再嘴刁嘅食客都可以满足得到。卷式暖菜板面板由柔韧硅胶制成，收纳时可以卷成细细一筒，收纳起来都好方便悭位噶。最后，都係要提醒大家，暖菜板始终係用电发热装置，用完一定要断电，等完全冷却先好用手触碰，以免发生危险。

 　　生活元素热菜板（卷式设计）

 　　生活元素可卷式加热菜板

 　　艾美特花开富贵热菜板