每逢过节肥三斤，过年餐餐大鱼大肉，个个都圆润咗唔少。返工之后，大家都想调整下饮食，食得清淡点，素食就成为唔少人的选择了。唔食唔知道，就算冇肉类，豆类、菌类、蔬菜等食材都可以玩出好多花款嚟，出品丰富，创意满分！

　　黄蕾/文 黄蕾、受访者提供/图

　　天然味，斋食面

　　独家豆乳汤底

　　早餐饮豆浆，甜品食豆花，煲汤落眉豆，大家对豆呢种食材再熟悉不过，但豆乳加荞麦面嘅组合，你有冇兴趣试下？主打手工豆乳荞麦面嘅“囍素莳”，係创始人花咗十个月孵化嘅品牌。招牌豆乳汤底，醇香味浓，入口质地清爽，两秒后浓郁豆味先在舌尖蔓延开，搭配上劲道手工荞麦面，令人忍唔住一啖接一啖直至清盘！店家选用嘅原材料係五叶双色豆，呢种豆营养丰富，被养生人士誉为“人参大豆”“长寿大豆”。除咗招牌豆乳汤面系列，我哋仲可以喺顺滑微酸的双色豆酸奶、有肉感却不含肉嘅新肉丝鲜腐卷等菜品入面，品尝到呢种浓香嘅豆味。

 　　双色豆酸奶

 　　新肉丝鲜腐卷

 　　翡翠丸子

　　豆乳荞麦面

　　蔬菜面多花臣

　　“囍素莳”专注做好一碗面，主厨也好俾心机研发出品，食材讲求新鲜，蔬食面都能玩出咗好多花臣。翡翠丸子豆乳荞麦面，素丸子加入菌菇，口感丰富，弹牙程度不输肉丸，绿色嘅手工荞麦面原来係融入咗菠菜汁，一入口，清新的蔬菜味让你仿佛置身于田园中。日晒番茄浓汤荞麦面绝对系酸辣爱好者的首选，多种甜酸比例各有不同嘅番茄汇聚于一碗面中，让人回味无穷。麻油香煎菇扒荞麦面，伴着麻油香气，半掌长度的菇扒一口下去，口感肥厚可媲美鲍鱼。据创始人介绍，佢哋仲会根据时令陆续推出不同新品，小编已经开始期待下一个新品啦！

 　　胭脂萝卜

 　　麻油香煎菇扒荞麦面

　　囍素莳豆乳荞麦面

　　地址：番禺区南村镇万惠二路四海城西区LG1层30号

　　营业时间：周一至周日11:30-14:00,17:30-20:00

　　新派斋，够逼真

　　披萨汉堡样样齐

　　无肉不欢嘅朋友仔，又想快乐体验一餐素食？其实用植物、菌类等纯素食材都可以做出外形、口感都好逼真嘅素肉，唔讲你都可能都食唔出嚟！慧食派熊猫主题纯素食餐厅，就用呢类素肉做出各式各样嘅新派素食，披萨、汉堡、焗饭、沙拉以及小食样样齐！餐厅原创的藤椒芝士披萨和植物吞拿鱼披萨相当吸引，植物炮制嘅素芝士虽不含蛋奶，但一样醇香能拉丝，自制饼底亦费咗厨师不少功夫。招牌小吃素鸡块，虽然唔係真肉，但食落一样有可撕扯的纤维感；沙拉方面，推荐有机苜蓿芽鲜果沙拉，形似豆芽嘅苜蓿芽，係一种较为少见的健康食材。

　　有机苜蓿芽鲜果沙拉

 　　招牌小吃素鸡块

　　意式黑椒牛扒汉堡

　　玉米蘑菇汤

　　芝士咖喱牛柳焗饭

　　多层空间劲出片

　　主理人话，希望尽可能地将素食做到年轻人都喜欢，除咗在菜品上落足创意，就餐环境也好有巧思噶。店面设计风格相当清新有活力，给人一种很放松舒适感觉。一楼就餐区主打简约风，经过绿意盎然的玻璃步道和梦幻的追光楼梯，可以上到二层。二楼有一整面超大玻璃窗，可以欣赏到创意园的景色，同时仲贴心地设有一个独立的宠物友好空间，想带宠物的食客可提前搵店家预约安排。第三层係超大的露天就餐区，有大量绿植伴你用餐。每层环境有唔同嘅体验，经常仲有顾客预约搞生日会，店家都会尽量配合和准备噶。

　　慧食派熊猫主题纯素食餐厅(OE创意园店)

　　地址：荔湾区西增路63号泰荣商务中心后面

　　营业时间：周一至周日11:30-14:30,17:00-20:30