新一年，《可乐生活》有好消息话俾大家知！我哋筹备已久嘅可乐生活融媒体直播间（下文简称“直播间”），已经正式启用啦！呢度不单单有设备齐全嘅直播空间，更係囊括娱乐、潮流、时尚、公益科普等丰富元素嘅展示空间，係羊城创意产业园新晋“网红”打卡点。Color君梗係要带大家参观下，抢“鲜”体验佢嘅魅力。

　　郭玮/文 陈祉伶/图 郭玮、黄蕾/模特

　　潮玩新活力

　　作为一个不被定义嘅展示空间，可乐生活融媒体直播间用一抹养眼清新绿作为主色调，激发活力潮流感。点解门口有只“斑马”，整个空间亦以斑马元素为设计主题咧？其实，取“斑马”谐音的“班马”，在粤语中有呼朋唤友的意思，而“班马”品牌係《可乐生活》重要活动品牌之一，曾举办过多次音乐节、潮玩派对、潮拍活动、美食市集等活动。直播间启用之后，Color君亦会同“班马”一齐，组办更多有趣好玩嘅活动，约埋大家一起玩，直播间将会係我哋聚会的重要据点之一。同时，Color也会邀请更多艺人、歌星friend嚟打卡，同fans们见面、互动，大家嚟参观打卡嘅时候，分分钟会见到自己嘅idol啦！

　　Color主题展

　　《可乐生活》一直致力于为大家送上新鲜滚热辣嘅潮流资讯，陪你哋玩转新奇趣怪嘅潮流好物。直播间主题展览嘅“头啖汤”，可乐君自然係留俾自己。喺直播间“启动展”上，Color将自己嘅私藏好物尽show喺大家面前：原创粤语元素KT板、创意笔记本等历届周年庆推出嘅至sharp周边……呢啲都係记录Color成长路上重要节点嘅印记，也係各位可乐粉丝们嘅青春伴手礼；仲有每次活动精心设计的文创周边，记录下活动的小故事、小心思，令人印象深刻。未来，呢度仲会定期举办唔同形式的潮流展览，鲜为人知嘅非遗故事、珍藏级别嘅香港歌手黑胶唱片……Color会用大家估唔到嘅惊喜方式，带大家开启一场场奇妙之旅。你想睇嘅精彩画面，希望试到嘅特色美食、期待见面的一生最爱，都可以大声话俾我哋知，随时有surprise！

　　花臣不设限

　　元素“多元化”仲要玩出新花臣，融媒体直播间除咗作为展示空间，带大家嘅眼睛去蒲之外，仲会举办各种沉浸式线下体验活动，只要大家中意玩嘅，直播间就可以随时变身！现在室内、户外有足够大嘅空间，可以满足节目录制、小型活动举行，随时可以嚟番场live演出以及小型明星见面会。首批“试玩”嘅靓club栏目组，已经喺度成功塑造“打工人变爱豆”“bling bling洋娃娃”等案例，大家都话试用体验very nice。“粤语课堂”栏目、各种IP展览都准备进驻啦！未来，大家仲有机会饮到“Color咖啡”，体验到“Color厨房”“手工作坊”等有趣、有意义嘅线下实操活动，艺人直播、明星live show等节目，都已进入直播间to do list入面，玩过嘅、未试过嘅都有机会突然降临，大家记得密切关注可乐生活融媒体直播间动态啦！