班马去威，一定要有健康嘅运动元素！继前年就开始火爆嘅飞盘运动后，Color君又发掘到一个新晋好玩嘅运动——匹克球。呢项运动玩法简单易上手，对“运动小白”特别友好，“三球合一”嘅玩法係咪劲熟悉？有来有回嘅趣味互动，适合一大班朋友去玩，令大家越玩越上瘾添！

　　饶禧/文

　　德兴匹克球俱乐部、品牌官网、汤唯闻/图

 　　“哭喊中心”品牌官网

　　“三球合一”劲熟悉

　　讲起匹克球，大家可能会感到陌生，但当你见到运动嘅全过程，就会有一种既熟悉的感觉。因为匹克球“三球合一”，集网球、乒乓球、羽毛球于一身，被玩家们风趣咁形容为攞住大号嘅乒乓球拍、喺羽毛球场上打洞洞塑料网球。匹克球源自国外，对场地冇太大嘅限制，室内室外都可以玩，运动节奏比较慢，所以又被称为“老人的网球”，吸引咗唔少“运动小白”参与。匹克球虽然节奏慢，但并唔阻止佢即将在2024年成为巴黎奥运会的表演项目，而且仲有望在2028年列入正式竞技项目。从现在开始玩，到时係咪有机会入奥运会比赛呢？

　　一来一回好过瘾

　　匹克球嘅玩法简单易上手，有单打、双打模式，对玩家嘅身高、性别冇特别嘅要求，可以男女混搭一起玩噶。发球者必须以下投手势发球，双脚企喺底线外，球要落喺斜对面球场发球区。发球之后嘅第一个回合，接球双方必须等球落地反弹后先可以回击，呢点同网球係十分相似的。唔同于国外嘅开球得分制，目前国内多采用直接得分制，21分为一局，无论发球方或接球方，赢得一回合后都可以直接获得比分。听落好似有啲复杂？不如落场亲自试一下就会更快上手，伴随着匹克球乒乒乓乓嘅击球声，解压又治愈！不过呢，匹克球场的规格和羽毛球场一样大，玩家们喺比赛期间需要唔停跑动，仲要边打边思考战术，对大家嘅体力同反应能力都係一种考验嚟噶！

　　运动装备潮磢镜

　　玩法简单有趣嘅匹克球，之所以成为“新晋网红”运动，重要原因之一是佢独特嘅装备。匹克球球拍嘅板面多采用饱和度较高嘅彩色，融合独特的几何形状，带俾玩家视觉上的新奇感。大家仲可以发挥自己的“创意宇宙”，喺板面上DIY中意嘅图案，球场上奋力挥洒汗水，再摆翻两个运动pose，造型磢镜到冇人有。目前，匹克球处于推广阶段，唔少俱乐部都会免费提供球场同球拍，大家可以任意组队轮流上场。喺赛场上，玩家们会进行一定嘅战术、技巧交流，玩多几次就可以成功扩充自己嘅朋友圈啦！依家仲有俱乐部推出夜球局，从球到场地都采用咗荧光色，赛博朋克嘅氛围感拉满，非常适合大家约埋friend一起组队玩，感受另一种夏日chill！

 　　volair球拍