可乐生活融媒体直播间从今年年头启用以来，就同艺人friend留低咗好多有趣好玩嘅回忆。吃喝玩乐体验过，唱歌游戏玩唔停，最爆炸嘅“大牌”，最sweet嘅moment，冧死人嘅拥抱，真係有好多意想不到嘅惊喜。年初Color列下嘅 to do list，趁着20岁生日之时，同大家报告下先！

　　郭玮/文  Color团队/图

　　班friend够过瘾

　　众所周知，Color嘅艺人friend好多，而班马嘅惊人号召力，喺今年仲升呢咗。我哋嘅老友记胡鸿钧、糖妹、四喜丸子等等，玩过翻寻味，嚟完一次又一次，约实大家随时见面；新朋友袁伟豪、林盛斌、贺三、魏嘉莹、曾比特……玩过一次就唔舍得走，问定以后再嚟有乜新搞作；农夫、邓智伟，听到啲friend推荐，即刻要求话要嚟直播间打卡；连开紧show行唔开嘅Mc Jin都托关系，同我哋玩连线……每位艺人嘉宾嚟直播间date，我哋都会设置专属“玩乐套餐”，嚟过嘅朋友都话过瘾，你实估唔到玩乜，嚟就係啦！Color嘅朋友圈仲喺度不断扩大，你最爱嗰位同咗Color做friend未啊？

　　班马文创有料到

　　Color嘅IP“班马”喺今年重启并全面升级，佢又young又鬼马嘅形象，即刻吸引咗好多潮人嘅关注。贴心嘅Color团队就落手落脚将班马仔嘅唛头进行加工，变成可以攞喺手嘅实用潮物：养眼青色框便利贴，用佢mark低烦闷嘅工作，有靓仔班马同Color机器人陪住你，工作效率即刻upgrade啦；型仔“手指”做你嘅office小助手，装起你嘅美丽回忆；醒目贴纸仔，chok到晕嘅班马同型到爆嘅机器人埋堆，贴喺私人物品上，认证你嘅Color粉籍；舒心眼罩治愈你，辛苦工作后有我哋陪你甜丝丝入梦乡……Color20周年纪念文创好物，件件都咁有心思，新品惊喜随时掉落，持续关注我哋就即刻有机会得到哦！

　　多巴胺市集约定你

　　Color致力于发掘吃喝玩乐新潮流，直播间当然要约埋大家一起玩。生日当天，我哋为大家安排咗“多巴胺市集”，吃喝玩乐一应俱全，久未见面的fans们，打扮靓靓过嚟玩。Color班马嘅直播间地方好易认，清新的绿色小屋，连排玻璃窗，门口有大大只斑马仔“迎宾”……平时同明星艺人friend约会嘅地方，可乐生活嘅IP机器人同斑马仔，《可乐生活》经典嘅封面……全部帮大家准备好晒啦，今次可以一次过全部打卡，可乐君超期待同大家date，一起share好嘢，讲下你对我哋嘅期待！

　　粉丝福利：8月18日当天，带着本期《可乐生活》报来多巴胺市集贺生的fans，有意外惊喜哦！