“花城”广州，一年四季都有靓花可赏。前段时间正是异木棉绽放的时候，沿江一带唔少地方都是粉红色花海，从花海中穿过，看到的城市风貌会更加立体。歌手CC汪晨蕊本来係只“夜猫”，但为了赶上这波美景，专门一早出发，同可乐君一齐搭乘有轨电车，透过车窗观赏广州的花花世界。

　　郭玮/文  冼颖樱/图

　　美好中穿梭

　　广州嘅有轨电车线路唔长，但沿途的风景好靓，有“广州最美7公里”之称。同CC嘅呢趟旅程，我哋专登拣咗“会展东”至“琶洲大桥南”路段，搭上有轨电车，透过车窗，沿途係粉色异木棉同紫红勒杜鹃，靓花靓景令人心花怒放。“叮咚，下一站‘会展东’！”CC话听到呢种报站声，就会勾起佢当年喺广州读书嘅回忆，可以搭住地铁周围玩。沿住列车穿梭嘅轨迹，CC觉得呢趟旅程好神奇，同可乐君·牛牛一齐不停用手机录低眼前嘅美好。列车到站，交通灯、栏杆、异木棉、列车与匆匆行人，瞬间拍出撕漫大片。用相机记录每趟列车停车嘅moment，成咗好多潮人嘅打卡方式。

　　自然里漫游

　　落车后沿轨道漫步，花虽然冇预想中的繁茂密集，但成片嘅青草、绿荫，仲係有惊喜，理想中的粉红花海，被“万绿丛中一点红”画面代替，亦是另外一种美好。搵个角度，同落叶或者掉花错位影相，日系写真嘅既视感马上get。企喺树下面仰拍一张，繁花盛开即刻变成你的背景。CC话平时自己都习惯太阳落山后，先出门“夜walk”，今日趁住日光，喺开阔的江畔同大自然嚟个亲密接触，心情特别放松。行行下，大家突然被一只穿咗靓衫嘅模特猫猫吸引，佢好似知道大家帮佢影紧相咁，以花树为背景定住pose，任影唔嬲。

　　拒绝被定义

　　说好的花海漫游，冇因为花少而扫兴，CC同可乐君逛江边倾计、拣落叶摆拍，甚至“借”小朋友嘅滑梯影相，都feel到满满幸福感。CC话，自己唔中意去东山口，因为觉得自己唔够潮；平时中意一个人，创作嘅时候特别有灵感；CC嘅开心法则就係痛快咁做自己想做的事。前段时间，佢啱啱推出新歌《今天是我的》，歌词唱嘅就係不被他人定义的自己，希望大家都可以痛快做自己，每日都有自己嘅style，时时有属于自己嘅花花世界啦！