周末break一break，最啱嚟个city walk。平时，大家通勤搭地铁，急急脚行过路过，其实地铁口周围已经有好多好玩、好食嘅蒲点。今次，可乐君同Oscar涂毓麟搭上1号线，一边坐地铁，一边搵节目。“列车即将到达农讲所站……”睇睇呢度可以行出乜新意啦。

　　郭玮/图  何崇仪/图

　　“旧嘢”变时尚

　　从农讲所地铁站C出口出站，就係广州农民讲习所旧址，明代嘅时候呢度叫番禺学宫，1961年时被国务院公布为重点文物保护单位。除咗可以参观学历史，呢片“老古董”嘅红色外墙，因为酷似故宫红墙，成为潮人嘅新打卡点。古风摆拍、情侣sweet、闺蜜默契都可以搵到合适的拍照角度，旧建筑影出新潮味。Oscar发现马路对面新开嘅现代商场，一路之隔仿似不同年代，呢种feel佢都好中意。沿住地铁出口向前走，我哋会经过榨粉街。呢一条包揽嗮街坊衣食住行的小巷子，小到报摊、菜档，大至金器首饰，都可以喺呢度搵到。想体验本地风土人情，平凡嘅小店经常有惊喜，嚟呢度就最适合啦。临近新年，榨粉街内嘅小店挂满新年日历、对联，年味十足。出到街口，仲有一家老广点心铺，几蚊可以买到一份传统好味道，Oscar试过都话甜而不腻、好味道。

　　逛街涨知识

　　从农讲所继续往前行，仲有“新知识”可以get。企喺城隍庙前嘅广场，你会被打卡点包围，好难决定下一站应该去边度。城隍庙好多地方都有，Oscar就话，佢曾经逛过上海城隍庙，虽然几好奇广州嘅城隍庙，但主要想了解广州特色嘢。想揾广州嘅特色，旁边嘅南越王博物馆就最有发言权，自南越文王墓发现已经过去40年，呢度不断用新视觉和新玩法，向大家展现千年广州历史嘅魅力；而另一边，设置咗广州嘅非遗街区，一排橱窗展示非遗手艺成品，逢年过节仲会有各种传统活动体验、非遗手艺人巡演等，保证大家眼仔碌碌睇唔晒，喐喐手仔get新技能。非遗街区嘅顶部布置咗传统工艺制作的鱼灯，如果穿上汉服过来打卡，真係别有一番风味噶。

　　千年繁华地

　　呢趟地铁沿线city walk嘅最后一站，我哋set喺步行街北京路。呢条繁华嘅步行街，可以满足各位潮人吃喝玩乐嘅全部需求，无论你想要传统服饰定係潮牌波鞋，古早点心定係网红餐厅，都可以喺呢度搵到心水。步行街中间展示咗老街千年间嘅样貌，行走在历史嘅轨迹上，踏着古人留下的足迹，身旁却係时尚感拉满嘅潮物潮店，有种一眼千年嘅穿越感。行入老广最冧嘅调味品店——致美斋，可乐君·牛牛特意拣咗好有代表性嘅广州腐乳俾Oscar做手信，等佢翻到香港都可以吃住咁回味呢趟广州地铁city walk。唔知大家睇完我哋嘅行程，有冇心动咧？羊城通嘀一嘀，即刻开启你嘅地铁之旅啦。