广州有乜咁好玩？

 　　 大家唔好嚟广州，因为实在太好玩，怕你唔舍得走！前排啱营业嘅白鹅潭大湾区艺术中心，大到你一日都行唔嗮；靓靓嘅公园、有趣嘅老街咁多，容易误入但好难走出嚟；玩攰咗点翻杯茶饮，养生花样多到你抗拒唔到；连传统腐乳都可以食出五花八门嘅嘢……好啦，等Color君逐样逐样诱惑下你先！

　　策划：骆苹、曾敏妍

　　统筹：曾敏妍

　　执行：郭玮、黄译萱、饶禧、王慧诗、

　　张子殷、秦丽莹、汤唯闻

“腐”能量, 我要消灭你！　　

　　对于广东人，腐乳早已不单是食物，而是童年记忆的承载。腐乳醇厚嘅酱香係佢特有嘅气质，可以单食，亦可以用作调味料，为菜式增色添味。最近有便利店同有超过130年历史嘅广合腐乳合作，推出一系列创意腐乳食法，一出街就被大家关注，加上大湾区有唔少用腐乳制作嘅传统美食， Color君即刻就帮大家整咗餐“腐能量”大餐，包你食完开心嗮。

　　郭玮/文  饶禧/图

　　前菜：上头过瘾

　　便利店小吃三件套，首先接受挑战。

　　腐乳鸡翼：腐乳汁加在包裹鸡翼嘅面浆中，鸡翼炸得比较干身，鸡肉鲜嫩多汁，不过腐乳味整体偏淡，几乎食嗮成只先feel到少少酱香。

　　腐乳鱼蛋：直接粗暴加入腐乳酱汁，酒香浓郁，令人惊喜嘅係，佢同原味鱼蛋味道好啱key，为鱼蛋提鲜，食多两粒有上头感觉，“腐”能量拉满，喺三款小食中脱颖而出。

 　　   腐乳唐扬鸡肉串：同样喺面浆中加入腐乳汁，用腐乳代替咗料酒，腐乳香味浓郁一啲。但鸡肉串口感比较干柴，口感偏油腻，油味盖过腐乳香。

　　主食：下饭神器

　　有腐乳助攻，吃饭不能停。

　　潮汕腐乳炒饭：猪肉落镬前用腐乳腌制，加入米饭同红腐乳炒至干爽，最后加葱花吊味。入口先係镬气同油香，细嚼会渐渐feel到腐乳嘅醇厚酒香，腐乳腌过嘅肉口感似腊肉，肥而不腻，单食偏咸但送饭啱好。

　　腐乳脆脆三角饭团：用莲藕粒和鸡肉做馅料，无油配方口感清爽，加入腐乳更滋味。但饭团嘅馅料少得可怜，食咗三啖都仲係白饭，馅料调味偏淡，说好的腐乳味呢？

　　腐乳盐焗猪扒大口饭团：猪扒肉厚多汁，用腐乳腌制后咸香可口。单食猪扒可以食出酱香味，但夹喺饭团入面就扣分好多。如果饭团亦加入腐乳的话，应该会更滋味。

　　甜品：中式cheese？

　　西式甜品mix中式芝士，味道够古灵精怪。

　　腐乳夹心欧包：欧包本身松软自带微甜，可惜腐乳嘅酱香咸同cheese奶香咸唔同，与甜品唔太啱key。

　　腐乳巴斯克：进口芝士与中式腐乳融合，两种咸香PK，丝滑叠加嘅口感，入口瞬间咸到怀疑人生。

　　腐乳流心泡芙：流心芝士酱加入白腐乳汁调味，腐乳嘅咸“攻击性”太强，咸味、酱香都更浓郁。就算冷藏过都依然流心嘅泡芙，表皮烟韧好咬。

　　零食：长辈冇呃我

　　童年记忆中，长辈用嚟氹我哋嘅零食，南乳味嘅最香。

　　南乳龙耳：味道同南乳蹦砂好似。传统龙耳用面粉做基底，加入南乳令其呈现粉红色，饼体松脆易碎，包装内难觅完整造型，用糯米制龙耳的话，口感更硬脆厚实。

　　南乳蹦砂：传统蹦砂会加入红腐乳调味，入口酥脆微甜，细嚼返咸，最后余韵係甜甜的收尾。

　　南乳条：又叫潮式鸡仔饼，係传统嘅潮汕茶点。佢皮薄馅多，馅料係冰糖腌肉同果仁，南乳调味解腻增鲜，食落有浓厚五仁味，但内馅加入猪油调拌，整体都偏油腻，所以长辈们选择用浓茶佐餐，係一定有道理嘅。

　　Color提醒：腐乳係腌制嘅食品，重口惹味、但高盐，唔建议多食，食用后记得多饮水。