喺广州，四通八达嘅老街有很多故事等你挖掘。近期，《九龙城寨之围城》热映，错综复杂又充满烟火气嘅山城场景，竟然在广州象岗山就可以搵到！曾经係羊城八景之一嘅象岗山，为我哋留低城市嘅岁月痕迹，有故事亦可以出大片，等我哋一齐去感受佢独特而多面嘅魅力。

　　饶禧/文 黄译萱/图 饶禧/模特

　　忽遇旧时名景

　　历史上嘅象岗山原本与大名鼎鼎嘅越秀山连埋一齐，明代时期，统治者为咗完成“三城合一”嘅城区规划，将当时承接嘅山脉拦腰截断，自此象岗山成为一座“孤雏”。呢度曾经山间木林葱茏，樵夫上山斩柴，高兴时就会唱起歌仔，“象山樵歌”亦逐渐成为明朝羊城八景之一。到咗八十年代，在山上起楼嘅时候，意外挖出南越王墓。王墓规模之大，藏宝留存完好， 于是南越王博物院就地而建，供游客参观。直至依家，象岗山与南越王墓成为唔少人领略岭南文化嘅打卡点之一。

　　穿越5D山城

　　唔同于东山小洋楼与西关骑楼，象岗山嘅建筑望落朴实无华，匆匆起好嘅宿舍区外墙係灰色米石，睇落与山脉好贴合。因为地势偏高，行入社区内需要经过一段长斜坡，路途中似行山，又似喺街区散步，沿途风景大不同，有种开盲盒一样的快乐。社区内嘅街坊穿梭楼与楼之间时，需要行过穿插楼宇间嘅天桥、长楼梯，每一个分叉口都会给你新的视野惊喜。企喺回廊式楼梯上，你以为自己喺一楼？往下望，才发现你已经喺四楼。纵横交错的楼宇，好似5D山城，令你感受另类穿越时空的体验。

　　恋上岁月痕迹

　　斑驳嘅外墙、褪色嘅告示，让象岗山遍布岁月嘅痕迹，随便一影就有大片诞生，《小伟》《我爱你！》等影视作品都选择喺呢度取景。喺影片《我爱你！》中，倪大红、惠英红、梁家辉、叶童两对历经风雨、相守多年嘅老年夫妻，喺象岗山23号院内嬉戏玩水，简单场景与暮年角色搭配，诠释了属于嗰个年代的浪漫。我哋如今行到取景地，门口依然冇加任何修饰，摆放着的绿草横枝、一排排生锈的防盗窗，喺属于旧社区自然而独特的韵味。

 　 《我爱你！》剧照

　　Chill拍大片

　　象岗山的独特风景，吸引越来越多影视剧组来取景，亦有好多人专门过来打卡。想喺充满生活气息嘅象岗山影翻一辑大片，穿青春洋溢的校服来就十分合适。喺士多、凉亭前，同闲聊打牌嘅老人嚟翻张合影；借助午后透过树叶照射的阳光，影出嘅照片发丝都发紧光；伸开双臂、拥抱自然，每个充满生命力的瞬间都记录在手。喺陈旧嘅外墙和狭窄蜿蜒的楼梯，用唔同的角度拍摄，都会有不一样嘅感觉。待在社区里，听放学归来嘅学生哥嘅欢声笑语、老人家断断续续嘅闲谈、此起彼伏嘅雀仔声，生动的背景声、舒缓的节奏，让人心情放松。依家象岗山内依然住着唔少居民，大家拍摄时，记得保持安静，文明打卡啦。