俗语有话，“时尚係个圈”。近年，复古潮流再兴起，专属男士理发嘅Barbershop翻到大众眼前。紧跟潮流嘅广州，已经出现唔少Barbershop，店主亦会将自己的喜好、本地嘅特色融入其中，飞发都玩出新花臣！跟Color君走，去两家各具特色的Barbershop体验下啦！

　　饶禧/文 黄译萱、饶禧/图

　　咩係Barbershop？

　　这是源自欧洲、有百年历史的潮流文化。“barber”起源于拉丁文的“barba”，代表理发师的意思，barbershop和传统的美发沙龙（hair salon）区别是：只接待男士，为男士提供理发、刮脸、修胡等的服务。一位顾客，从头到尾都会由一个barber负责。传统嘅项目大多分为英式、美式发型，理发师会根据客人嘅发质同头型、日常习惯甚至常去场合，为顾客set一个最合适、最贴地的发型。当然，服务费用也比一般理发店要高。　　

　　不止修容，还要摇滚！

　　“精简”复古风

　　喺永安东街嘅居民楼的转角处，我哋搵到一间Barbershop，叫“大黑理发店”。门外係退休老人嘅“八卦聊天聚集地”，门内则係一班

　　后生仔嘅天地，抬眼可见旧式理发椅、带复古元素的剃须刀与剪刀。首次体验Barbershop嘅小龙，从踏入店内开始，复古嘅氛围、动感十足的音乐，令佢期待又紧张；望着理发师娴熟嘅动作，小龙嘅心情都放松晒，放心将自己交俾理发师。喺呢度，完成一个经典造型，大概一百蚊出头。主理人KM介绍，从修发到理容，佢哋会选用最“精简”嘅方式，让顾客焕然一新；而顾客即时又好玩嘅正向反馈，对佢嚟讲係一份认可，係让佢坚持开店嘅原因。

　　Chill享音乐

　　理发店嘅三位主理人都係音乐爱好者，佢哋希望把自己喜欢的元素带给顾客，于是大胆咁将摇滚音乐与复古发廊相结合。佢哋甚至喺一楼设置了一个小型排练房，二楼摆满可以售卖嘅音乐唱片，不定期举办“小型音乐会”，令理发店还具备了音乐“三合一”嘅功能。“只要你嚟，大家都係朋友”，主理人小吉希望，顾客在音乐氛围中用最chill的心情，喺呢度享受属于自己嘅休息时刻。

　　大黑理发店Big Black Barbershop

　　地址：广州市越秀区永安东街25号

　　营业时间：周一至周日 13:00-21:00

　　街头文化mix广州味道

　　佗佻中带专注

　　佗佻理发店，睇个名就好舒服——“佗佻”先係粤语正字，不过我哋平时会读成“他条”，係用嚟形容从容舒适、心无挂念嘅状态，也係主理人Ivan嘅生活态度，希望大家到店就放慢节奏、放松自己。Ivan介绍，在“佗佻”，理发师会更加专注剪发，在传统油头、刮脸方面，会融入自己的理解，以亲民价格打造独特嘅广式风格。遇上细蚊仔过嚟剪发，佢会加入自己设计嘅个性元素，帮小朋友set一个潮boy限定造型。美式、英式经典造型一次，大概两百元，大家可以去试一试嘅。

　　“极限”变“极致”

　　理发店位于烟火气十足嘅江南西，外墙装饰复古，吸引咗唔少路人嚟打卡。理发店好阔落，空间处处充满广式元素，墙上画满了印有广州塔、老字号招牌的壁画，搭配怀旧海报、小饰件、老古董剪发凳，恍惚中有种穿越时光嘅感觉。原来，Ivan玩开极限运动，开店后佢希望顾客喺充满街头文化嘅店内，享受“精雕细刻”的服务，畀到顾客“佗佻”同surprise。

　　佗佻理发店·Tartyu Barbershop（江南西店）

　　地址：广州市海珠区紫金大街34号102号铺

　　营业时间：周一至周日13:00-21:00