前排，地磁暴活动频繁，全国多地嘅天空都泛起绚丽极光。极光喺千里之外，想去“追光”唔容易嘅，但如果把极光画上身，用蓝绿色、粉紫色嘅彩妆打造闪闪炩嘅妆容，就可以变身摩登女郎，让自己成为一道耀眼的光啦！

　　黄译萱/文

　　官网图片、汤唯闻/图片

　　张子殷/模特

　　眼光抢fo

　　想要喺妆容上玩转极光，眼妆实係最重要嘅一part。有层次嘅眼妆更能强调高光，打造出极光绚烂嘅感觉。要画好眼妆，需要一盘“极光”眼影盘，而“极光”眼影盘有三个标准：首先要色彩丰富，极光会有红、绿、蓝、紫等颜色，为咗打造多彩嘅极光眼影，一个好似霓虹灯嘅眼影盘必不可少，既有铺底嘅深色，又要有唔同颜色嘅高亮色或珠光色；其次，除咗画出极光嘅基础颜色，blingbling嘅爆闪眼影都唔好忘记，闪片眼影仲可以助你喺音乐节、演唱会闪爆全场；最后，要拣易上色、显色度高嘅眼影，有助于事半功倍，画出干净、清晰、colorful嘅眼影。

 　　simplyposh cosmetics-Aurora Lights眼影盘

 　　万花镜-The Escape Pod眼影盘

 　　PAT McGRATH LABS-极光眼影盘

 　　千妍-野心焕彩全闪盘

　　增光添色

　　眼影好关键，而多一啲细节会令成个造型增光添彩。首先，可以加啲高光让面上泛光。色彩缤纷、颗粒感重嘅极光高光，比起日常嘅小珠光高光更加有存在感，所以极光高光一般喺画妆感更重嘅妆容时使用。你可以喺眼头画上贴近眼影颜色嘅高光，让五官睇起身更集中；亦可以喺颧骨和眉骨处加啲高光，令面部轮廓更加立体；直接轻扫喺颈部或锁骨处，都係唔错嘅选择，高光会让你喺光线昏暗环境中更加耀眼。其次，极光妆容仲要做到眼里有光，美瞳就係点睛之笔。带有闪粉花纹嘅美瞳，可以让眼神光更加精致；带有蓝、绿、紫色光圈嘅美瞳好似自带极光，让眼眸更具异域风情。另外，搭配翻副极光猫眼指甲，咁样举手投足都光彩照人，清透偏浅嘅极光色好似来自北极嘅冰块，磁铁猫眼好似光从指缝中透出。贪方便嘅朋友可以直接佩戴穿戴甲哦！

 　　万花镜-月球巡洋舰-高光

 　　Romantic Beauty-星际紫-高光

 　　Moody-瞬息-美瞳

 　　Moody-彗星慢摇-美瞳

　　追光行动

　　极光一般出现喺极地地区，高空嘅极光偏红，中间高度嘅极光偏绿，低空就有蓝色、紫色或多种颜色混合嘅极光。近期出现嘅极光范围非常大，高低空嘅极光甚至同时出现，呈现出红绿相间嘅光芒，咁难得一见嘅景象，梗係要将佢复刻喺眼妆上啦！呢次嘅极光妆容，会喺眼影上落功夫，按照极光嘅配色来设计眼妆，再贴翻近期回潮嘅千禧年女团烟熏妆，打造出摩登辣妹嘅效果，仲好适合黄黑肤色嘅朋友。用黑夜般嘅深蓝色，加深眼头眼尾；再把闪闪炩嘅珠光绿色画喺眼中，复刻绿色“极光”；然后铺上蓝色和红色“极光”作为点缀，极光眼妆就大功告成。呢个look唔单止适合夜晚同朋友去蒲，仲十分出片，打开闪光灯揸起相机，点样摆pose都係灵动十足。

 　　 扫码解锁妆容教程