Chill过瘾，玩转大湾区

　　天气渐凉，出游正当时！今期可乐君带你从海陆空全面深入大湾区，由“未来世界”玩到怀旧年代，从传统美食叹到创意新口味，全方位玩转吃喝玩乐。广州、深圳、佛山、江门，四个城市瓹窿瓹罅chill，快啲跟住我哋做chill潮人啦！

　　策划：骆苹、曾敏妍

　　统筹：曾敏妍

　　执行：黄译萱、饶禧、郭玮、秦丽莹、汤唯闻、张子殷

　　科幻电影中嘅“未来世界”唔再係虚构嘅蓝图，水里游、空中飞、路上跑，无人技术正在全方位改变你嘅游玩体验。喺公园、江边都有机会偶遇呢班自己识揾方向嘅“captain”，佢哋更係大家赏景、打卡、野餐、遛娃嘅好帮手。快啲同可乐君来体验下啦！

　　黄译萱/文  张子殷/图  黄译萱/模特

　　畅游写意

　　海珠湿地被誉为“广州城央嘅绿心”，係天然嘅大“氧吧”。全新推出嘅新能源无人驾驶游船，可以带游客按指定路线环湖游览，遮阳棚下好乘凉，清风拂面有靓景，无论係闺蜜谈心，抑或共聚天伦，都非常适合。海珠湿地工作人员叶桀瀛介绍，新能源船上配备咗360度的摄像头、激光雷达等设备，可以自动航行和停靠，游览过程中，乘客仲可以通过蓝牙连接音箱同手机，播放自己心仪嘅歌单，令呢趟畅游更写意。Color君喺体验过程中，发现三处特别靓嘅打卡点：靠近码头嘅位置，可以同广州地标“三件套”合影；而另一边则是气派嘅广州文化馆建筑；新地标“100”都係一个靓位，大家记得唔好miss啊。泛舟湖上，周围嘅景色四季都会唔同，到咗冬天，湖边嘅落羽杉会变红，到咗春天，仲可以见到候鸟迁徙……虽然船上配有紧急按钮，以备不时之需，但搭乘无人驾驶游船嘅乘客，一定要按要求穿着好救生衣，凡事安全第一，游玩更安心。

　　穿梭靓景

　　广州塔下停放住一架肥嘟嘟嘅圆润小巴士，佢就係新出嘅无人驾驶巴士啦。呢部小巴士会从广州塔出发，沿住珠江经过猎德大桥、琶醍、磨碟沙，带住乘客沿路观赏广州江景。虽然巴士无人驾驶，但内部科技感十足，配备咗摄像头、传感器等安全设备，识通过自己打軚盘，实现自动转弯、过红绿灯、主动避让路面车辆等动作，每一步操作和巴士嘅时速都会喺车头显示屏上显示。呢趟巴士每程车限坐6人，每日8点到21点间，平均30分钟就有一班，好啱家长带住小朋友观光体验。只需2蚊，就可以体验一次“未来巴士”，一系列“无人操作”，成为呢趟观光路上又一道风景。目前，喺黄浦区生物岛、海珠区琶洲都有无人驾驶巴士线，大家就可以喺唔同嘅线路穿梭，欣赏到不一样嘅风景啦。

　　空投美味

　　去公园野餐、露营成为很多人周末hea时间嘅新方式。早早备好嘅干粮零食，总要配上一杯清凉饮料，如果再嚟啲精美点心就更完美啦。喺广州市儿童公园、广州云溪植物园、深圳北站中心公园、深圳人才公园等多个公园景点，出现咗无人机外卖服务，只要係你想食嘅汉堡、便当，想饮得奶茶、咖啡，都可以好似平时点外卖咁，用手机轻松落单，无人机“外卖员”会精准将餐点送达指定位置，客人扫码取餐后就可以尽享美味啦。无人机“外卖员”能更快更准确咁投递美味，令客人及时收获最新鲜美食，更能收获游玩时嘅好心情。每次未来感十足嘅无人外卖机现身，都会成功吸引大小朋友嘅目光，扇叶旋起嘅嗡嗡声响，大家就知道，又有一份美味即将空投到客人手上。