薄荷朱古力口味甜品係今年夏日嘅“顶流”，薄荷绿和黑棕嘅色彩搭配加上清爽嘅味道，颜值高又美味，让大家无法拒绝。广东依家天气仍旧有啲热，迟迟唔发放“入秋体验卡”，不如入到薄荷小屋，感受下“薄荷冷气”从嘴巴传到全身！

　　黄译萱/文   张子殷/图   黄译萱/模特

　　薄荷奶油甜心铺　　

　　少女花心思

　　呢间开喺龙洞嘅双层小店少女心爆棚，店内为美式甜心同韩式奶油混搭嘅装修风格，随心选择嘅清新蓝绿和奶油白，啱好同薄荷朱古力甜品好衬，让小店成为咗“薄荷控”嘅出片打卡地。主理人莫莫由细就钟意烘焙，长大后化身甜心厨娘开咗呢间甜品店，并布置成梦想中充满爱嘅小天地。一入门有一面摆满心爱歌手嘅黑胶墙，仲有好多得意公仔和摆件，每一处都透露住莫莫嘅小心思，亦吸引咗越来越多同爱好嘅少男少女过来打卡。店内有一面贴满便签嘅留言版，上面有对甜品嘅点评、有对偶像嘅祝福，通过留言版莫莫可以同客人做无声嘅交流。

　　甜蜜薄荷宴

　　推开店铺薄荷绿色嘅门，清凉感扑面而来，不妨坐低点一餐“全薄荷宴”，感受甜蜜嘅“透心凉”。店内最受欢迎嘅当属薄荷巧克力巴斯克，薄荷令朱古力芝士蛋糕拥有慕丝蛋糕般清爽口感；另一款薄荷巧克力卷食一啖超满足，松软嘅朱古力蛋糕夹住薄荷奶油，一粒粒朱古力脆喺口中爆开。薄荷椰子冰就如佢嘅名字一样清爽，冻椰子水加上薄荷奶盖，双重清凉超解暑。滑捋捋又Q弹嘅薄荷奶冻、渐变分层嘅薄荷维也纳拿铁，摆盘精致最适合打卡。呢啲甜品中都加入咗特别调制嘅薄荷糖浆，味道适中“薄荷小白”都可以接受到。主理人莫莫仲会不定期为“薄荷家族”加入新成员，让薄荷套餐越来越丰盛。

　　店名：满馜·Fulroma

　　地址：天河区迎龙路216号102铺

　　营业时间：周一至周五14:30-19:30；周六至周日14:00-20:00

　　薄荷牙膏劲爽屋　　

　　狂啜冻酸奶

　　呢间有蓝绿色屋顶嘅冰淇淋店，好似漫画中嘅小屋，就算开喺角落头仍然抢嗮fo。佢算係广州第一家做薄荷朱古力口味嘅酸奶冰淇淋店，店内只卖酸奶冰淇淋、生酪酸奶两样嘢。借住得意嘅造型同奇特嘅味道喺网上意外爆红，小店亦从街口小餐车升呢为薄荷绿小屋，分店亦越开越多。店内最特别嘅酸奶冰淇淋又叫冻酸奶（Frozen Yogurt），以酸奶为基底嘅冰淇淋，比起普通冰淇淋更加低脂，减脂期都可以放心食。不过，酸奶冰淇淋唯一嘅缺点就係融得快，一上手就要开启狂啜模式，或者问店员要个碗仔装住慢慢食。

　　超清凉组合

　　薄荷味经常被吐槽似牙膏，主理人干脆一不做二不休，用味道超似牙膏嘅意大利罗马薄荷，打造出牙膏薄荷巧克力味酸奶冰淇淋，双重冰凉啱晒“薄荷控”。“原味&薄荷控”口味双拼甜筒更啱“薄荷初哥”，偏酸嘅酸奶中和咗薄荷嘅凉感，冰淇淋造型好似朵花，对住草坪或天空打卡好出片。薄荷朱古力奶昔做成捏捏杯，饮之前捏碎朱古力脆皮，让薄荷奶昔和朱古力更好融合。贴士嚟啦！点一份薄荷朱古力奶昔加酸奶冰淇淋，就可以获得隐藏菜单中嘅薄荷奶昔Plus版！如果你唔钟意薄荷味，又想get清新薄荷绿色冰淇淋，店里面蓝绿色嘅棉花糖味冰淇淋就可以以假乱真，上面仲有得意嘅云朵公仔陪你食。

　　店名：WonderCup霜冻酸奶

　　地址：荔湾区吉祥坊2号民居

　　营业时间：周一至周日10:00-22:30