广州地铁7号线开通后，去佛山顺德只需一个钟，好啱喺周末嚟一场短途旅行。今次，Color君带大家去顺德陈村镇，睇睇呢座古镇焕新生后有几好玩啦！

　　饶禧/文 黄译萱/图

　　百年彩虹村

　　位于顺德陈村镇的大都村，始建于明代万历年间，行入村内，会见到各种祠堂、书院等具有传统岭南风格嘅建筑，每一处青砖素瓦都独具韵味。村里面有一座近百年历史嘅民国花园洋楼——梁氏洋楼。洋楼外层布满历史痕迹，但近睇琉璃瓦顶清晰，室内精美雕塑栏杆同罗马柱，无不展现着当年嘅建筑风情。喺近年，大都村摇身一变，成为“彩虹村”。随处可见童趣十足嘅涂鸦，经过每个转角时都係一次神奇的“开盲盒”体验。落雨担遮的Jerry、踩住云彩的孙悟空、食紧草的长颈鹿……各种卡通形象已经摆好pose 等大家打卡啦。正如村口贴住嘅标签话斋：“卷不动了，就回农村走走。”讲中打工人的心思。

　　旧厂新创意

　　喺距离大都村几公里嘅地方，有一个好受潮人欢迎嘅“千禧坊”。佢嘅原本係陈村造纸厂，经过改造修复后，将新旧风格融合。红砖黄墙、大烟囱、大麻石脱硫塔，呢啲厂房嘅工业印记仍在；现在，有咗好多新潮店铺进驻，靓丽吸睛嘅婚纱街、越夜越精彩嘅酒吧街，大家可以坐喺江边，静静叹风景。行出园区外，隔篱有用废弃的油管改造嘅特色咖啡店，环绕而上嘅楼梯同宽敞嘅室内空间，工业风同艺术感嘅搭配，令每个角落都充满设计感，喺度叹啡别有滋味。

　　地道陈村粉

　　嚟到陈村，肯定要食陈村粉。作为顺德陈村嘅传统特色美食之一，陈村粉具有近80年历史，采用优质大米制作，米香味浓郁，口感比一般嘅粉更加薄滑、细腻。陈村粉嘅烹饪方式多样，蒸、炒、煮都得。蒸陈村粉要保留粉最原始嘅味道，入口弹牙，再淋上牛腩汁，鲜香美味。而炒陈村粉就要提前将粉浸软、过冷河，再用葱姜蒜爆香，趁住呢度镬气，再加上秘制酱汁，味道浓郁，活色生香！喺呢度，我哋仲见到唔少名厨认证过嘅老字号店，店面朴实，但陈村粉做法地道，叫多一碟青菜，一餐吃到大满足！