Jinny吴若希嘅IN·POSSIBLE巡演即将去到江门站，上一次佢再登广州中山纪念堂舞台前，遇到少少阻滞，不过最后完美解决，仲送上超靓舞台添。为咗预祝佢下一次都good show，可乐君就请佢“食餐劲嘅”，等佢同所有烦恼说拜拜！

　　郭玮/文  秦丽莹/图   吴若希、郭玮/模特

　　砌生猪肉 cai3 saang1 zyu1 juk6

　　广东地区的不少村里，在重要节日有“太公分猪肉”嘅习俗，猪肉由长辈分好，后辈只能全盘接受。“砌生猪肉”一词起源于‌香港，当时法律体系不完善，一些警察为快速结案，将案件“分配”给被捕的犯人，犯人冇得拣又不能辩驳，这种做法同太公分猪肉情形相似，这些被“分配”的案件被戏称为“生猪肉”。这个词后来用来形容那些无中生有地罗列罪证、诬告他人的行为。

　　造句：文件唔见嘅地方啱好冇摄像头 ，又冇人帮你做证，你摆明被人砌生猪肉啦。

　　大头虾daai6 tau4 haa1

　　讲一个人“大头虾”，并唔係话佢头大，而係形容人粗心大意，丢三落四。“大头虾”呢个词最初源自于明代陈献章嘅《大头虾说》，指一种头大肉少嘅海鲜，暗喻看似厉害实质冇真本事嘅人。经过时代变更，呢个词就演变成形容人做事唔完美，有甩漏。

　　造句：你做嘢咁大头虾，大家点唔敢交啲重要任务俾你呢？

　　食白果sik6 baak6 gwo2

　　白果中的营养物质丰富，但吃多了可能会导致腹胀、腹泻、中毒等不良后果。如果人食过多白果导致腹泻时，将肚仔排清之后就空空如也，一无所有。于是，食白果就形容人什么都没有得到。近义词有“得个桔”，有时候会连在一起用，加强徒劳无功的失落感。

　　造句：为咗比赛，成个小组准备咗半年，点知食白果、得个桔。

　　大柠乐 daai6 ning2 lok6

　　喺港式茶餐厅里面，柠乐即係喺可乐里面加柠檬，而加大杯嘅柠乐，就会简称“大柠乐 ”啦！粤语中，遇到麻烦嘅时候会讲“大镬”，如果麻烦事闹到一发不可收拾的地步，通常就会喺中间加入一个语气词嚟表达头痛嘅情绪，呢个词嘅发音同大柠乐好似，所以渐渐大家就用大柠乐嚟表达遇到好麻烦嘅事情啦。

　　造句：一早收到坏消息，今次真係“大柠乐”啦！

　　一镬粥 jat1 wok6 zuk1

　　广式粥出名料多又浓稠嘅，食材入粥就会互相融合，杰澾澾咁搞极都搞唔清。一镬粥，就形容好多麻烦事好似粥咁搅在一起，越搅越乱。同义词仲有“一镬泡”，成个镬里面都起晒泡沫、浑浊不清，延伸为事情一塌糊涂、情况一团糟的意思。

　　造句：都话啲新人靠唔住，依家将嗰活动搞到一镬粥咁，唔知点收科啰。

　　成嚿饭 sing4 gau2 faan6

　　米饭煮熟后有粘性，容易结团，黐埋一齐后就不会散开。用“成嚿饭”嚟形容一个人，可以係话呢个人嘅脑筋唔灵活、不懂得变通，又可以指人嘅动作散漫唔爽利，或者懒惰不愿意喐动。

　　造句：职场新丁嘅大忌之一，就係要做嘢嘅时候成嚿饭咁、叫极都唔喐。