大家有冇喺河边、湖中或者海上，见过有人攞住桨、踩住板施展“水上漂”呢？其实，呢样比冲浪多个桨，比皮划艇企得高嘅运动，叫做水上桨板。超易上手嘅“水上漂”，十分钟就学得识，今期可乐君就带你上桨板，一次过实现运动、打卡、发吽哣、赏美景！

　　黄译萱/文、模特

　　张子殷、乐水桨板俱乐部/图

　　城中“漂”好佗佻

　　水上桨板源自于“冲浪天堂”——美国夏威夷，英文叫Stand Up Paddle（缩写SUP）即係企住划桨嘅意思。早年间，夏威夷冲浪教练为方便观察、指导学员，选择直立喺冲浪板上移动，呢个动作就逐渐演变成水上桨板运动。比起冲浪、皮划艇等元老级水上运动，水上桨板显得更大众化。水上桨板唔使学好耐，只要识划水、企得稳，就可以享受户外运动的快乐；玩桨板亦唔使周围跑，只要你嘅城市有开放嘅水道、湖泊，就可以随时随地去wet；唔使等浪来，攞上桨，方向、速度、姿势完全由自己掌控；唔使运送船，轻便嘅桨板甚至可以折入背包，陪你翻山越岭去到想挑战嘅水域。

　　P.S.：佗佻（to4 tiu1）平时会读成“他条”，係用嚟形容从容舒适、心无挂念嘅状态。

　　桨板花臣待解锁

　　花臣百变嘅桨板可以满足你多样需求。需要运动减压嘅人，可以一口气划几公里，高效锻炼全身；钟意游山玩水嘅人，可以边划边观赏沿途自然美景；“E人”可以约上三五好友，玩转桨板、肆意欢笑；“I人”晒个日光浴，享受独处时光。想要解锁呢啲玩法，桨板教练陈光钦教路，首先要学识四个基本嘅桨板姿势，关键是掌握平衡，再挑战不同姿势。可乐君先用半跪姿势上板，盘腿坐低握住桨柄划水，或者把桨放平喺身侧，再慢慢瞓低；站姿的难度高一些，以划桨做支撑，双脚慢慢直立。划水时要握住划桨桨把头部，将勺型桨面向前，目视前方伸直手臂，保持好平衡再出发。用前划桨加速向前行，用后划桨停低或者转向，仲有扫桨、拉桨等动作可以帮你实现水上漂。据说当你成为桨板高手，速度模式嘅竞速、交友模式嘅跑板和斗板、平衡模式嘅桨板瑜伽等都可以解锁，甚至可以带宠物一齐上板。

　　山水背景出片快

　　无论係在波光粼粼嘅静水，定係在浪花翻涌嘅白水，你都可以踩住桨板“乘风破浪”。自带山水背景嘅桨板出片率百分百，装备上身后更加磢镜，搭配一身最hit嘅溯溪套装或者闪亮嘅运动水着，仲有多巴胺色彩嘅桨板和桨，为你嘅造型添砖加瓦。桨板通常係充气式嘅，旅游型、休闲型、竞速型嘅桨板材质、尺寸都有唔同，多种色彩喺板面碰撞出唔同风格，搭配同色系嘅划桨，多巴胺的画面实在养眼。举起手机或者相机，你就可以把水中游荡嘅鱼仔，岸边嘅绿林秘境，成群起落嘅飞鸟，鳞次栉比嘅城市地标，头上嘅蓝天白云，尽收其中。攞住桨举起双手，转身对镜头比个耶，趴住或半卧喺板上抬头望天，每一张照片都充满生命力，轻松get运动大片。不过，玩桨板要注意安全，包括戴脚绳和眼镜绳、穿救生衣、备打气筒和密封袋等，好好守护自己和财产嘅安全。

　　鸣谢：乐水桨板俱乐部

　　地址：海珠区海珠同创汇东1街105号

　　营业时间：周一至周日 9:00-18:00