来粤西过年，你可能会被邀请参与一场有声有色嘅“狂欢节”——年例。山珍海味摆上枱，同邻里乡亲一齐食餐劲嘅；浩浩荡荡嘅巡游队伍行上街，演员着上花哩碌造型，用目不暇给的杂技，带来一出出非遗“重头戏”。趁住仲未开席，先来探探究竟有乜好味、好戏啦！

　　黄译萱、张子殷/文   羊城晚报（除署名外）/图

　　起筷！主人家请客

　　从农历正月至二月底，粤西各地就会陆陆续续办年例，呢个时候去玩，绝对係最着数嘅。饮饮食食谁不爱，年例嘅重头戏就係办宴席，又叫“吃年例”。主人家会宴请亲朋好友和乡亲邻里来食大餐。遮阳棚下，红彤彤嘅省凳从村口排开，枱上摆满“山珍海味”，宾客们随到随食。来到靠海食海嘅粤西，年例开启海鲜自助餐，蒜蓉扇贝、白灼虾蟹、爆炒鲜鱿……海鲜啱捞上来就上枱，新鲜得嚟煮法花样百出。鲜嫩“水东芥菜”解腻，“簸箕炊”撒上花生油和芝麻粒软糯香口，艾香混合椰香嘅“艾仔”（树叶饼）甜到入心。一场富有粤西特色嘅饕餮盛宴，唔单有主人家嘅豪气，更有庆新年嘅喜气。

　　招待宾朋“吃年例”

　　椒盐濑尿虾

　　“年例”吃是重中之重

　　图源:新快报

　　腾飞！“魔童”cosplay

　　来粤西过年不能错过新年巡游，巡游队伍中飘色绝对最具观赏性。细路仔着上花哩碌服装，靠一枝隐蔽嘅枝竹企上花车，喺半空中飘然欲飞，呢度嘅飘色集齐咗“凌空飘”魔法、萌娃cosplay、花灯花车游行等盏鬼嘢。其实，小朋友被拣上表演飘色，係一件好自豪嘅事情，除咗身高、体重要过关，仲要够勇敢、够淡定先得，齐齐打扮成“魔童”哪吒、黑面关公等传统角色。坐或企喺花车小舞台上嘅角色叫“屏”，凌空飘起嘅角色叫“飘”，依家嘅飘色已经发展到多屏多飘，所以你会见到一架花车上十几个小朋友同时表演。另外，飘色啲道具都千变万化，“哪吒”脚下嘅“风火轮”会不停转，连公鸡、白鸽等小动物都会成为角色扮演嘅一环，民间艺人大胆嘅想象力和对生活嘅美好祝愿，通通都汇集喺呢场飘色中。

　　入屋！“面具男”起舞

　　喺雷州半岛，见到戴住浮夸面具嘅人闯入家门，先唔好惊，佢哋其实係来送祝福嘅傩舞演员。喺锣鼓声和炮仗声中，由手执五彩飘旗、罗伞，身材魁梧嘅小伙子“打头阵”，领住游行队伍行入家门，将每家每户嘅庭院变成傩舞嘅舞台。号称舞蹈界“活化石“嘅傩舞，係属于雷州半岛人独特的年味。雷州半岛係世界两大雷区之一，自古雷州古越族就有敬雷嘅习俗，傩舞通过舞蹈、歌声、面具，来祈祷家人、族人平安。咪睇手工制作嘅面具怒目圆睁、扁嘴獠牙，其实象征嘅係古代保家卫国嘅英雄人物。傩舞分好多种，雷州市有“走清将”、麻章区有“考兵”、吴川市有“舞二真”，喺雷州市的松竹、南兴等镇，麻章区的湖光镇与太平镇，以及吴川市的黄坡镇、博铺镇等地，都可以近距离感受傩舞嘅魅力。

　　雷州市松竹镇仙排村的傩舞

　　扯线！木偶人讲古

　　春节期间嚟到高州，唔好错过村入面嘅非遗“村晚”——高州木偶戏。400几年历史嘅高州木偶戏套路多，从木偶公仔嘅雕刻到戏服嘅设计制作，再到木偶戏表演技艺都好有讲究。负责出镜嘅木偶人要打扮得光鲜亮丽，发饰富丽华贵、妆容斑斓如画、服饰五彩缤纷。幕后嘅民间艺人係“导演”，靠扯线技艺令木偶人形神具备，演绎一个个惟妙惟肖嘅画面。

　　随便一块空地都可以係木偶戏嘅舞台，只要锣鼓声响起，木偶戏就会上演，向大家道出粤西年俗中的故事。“两竿青竹歌前贤、方丈舞台砺后人”，高州木偶戏既为大家奉上热闹年味，又饱含住对前人嘅敬仰和对后辈嘅鼓舞。

　　高州木偶戏

　　图源:高州市人民政府网站

　　高州木偶戏表演