南江流域係岭南文化嘅重要发祥地之一，南江文化有自己嘅文化基因、民族特色和精神纽带，展现为民歌、舞蹈形式多样，非常重视家庭团圆。郁南和罗定是南江文化的集萃地，嚟到这里，我哋可以过一个充满“南江情”嘅团圆美满年。

　　郭玮/文

　　羊城晚报（除署名外）/图

　　载歌载舞超喜庆

　　跳禾楼舞

　　喺郁南县有一种被称为“活化石”嘅非遗舞蹈——禾楼舞，逢年过节都会盛大上演，用嚟庆祝丰收、祈求来年风调雨顺。禾楼舞嘅音乐唱腔有浓浓嘅生活气息，加上佢滑稽可笑嘅面具，係南江人朴实无华生活与坚毅奋斗精神嘅写照。舞者戴面具、顶蓑帽、蹬麻鞋、穿黑衣，手持火把载歌载舞，舞姿狂野奔放，充满激情与力量，喺热闹春节传播欢乐与热情。

　　禾楼舞

　　禾楼舞在光二大屋内舞动

　　连滩飘色

　　连滩飘色以高、难、险著称，係连滩春节嘅代表文化。每逢春节，连滩镇嘅街道，就会被唢呐同歌舞声填满，飘色表演集戏剧、魔术、杂技、音乐、舞蹈于一体，融入神话、历史故事元素，结合缤纷色彩演绎生动形象嘅英雄角色，表达鞭挞丑恶、扬善惩恶嘅主旨。春节期间共聚天伦，一家大细都可以从飘色中受到启发与鼓励。

　　非遗项目郁南连滩飘色

　　石菴炮会

　　每年春节期间，罗定石菴炮会通过震天鞭炮声祈求风调雨顺，不单止係一次热闹嘅文化盛宴 ，更係一次亲情嘅聚会。为生计四处奔波嘅家人，到炮会当日都会回家，抢头炮、睇醒狮、欣赏八音表演等，最后坐埋一起喜庆围餐。炮声寓意一鸣惊人，亦係祈求人丁兴旺、五谷丰登嘅美好期待，炮声一响，美好就随火星绽放。

　　炮会

　　温馨团圆常回味

　　阳江“蒲圆子”

　　阳江嘅年味，少不了一味“蒲圆子”。呢款美食其实係海鲜咸汤圆，糯米搓嘅圆子无馅，但会以海鲜汤烹煮，料多味美 ，每个阳江人家庭都会有自己特有的“家味”。“蒲”喺阳江话中音为“浮”，有“发”嘅意思，喺年三十团圆饭上，食一碗热辣辣嘅咸圆子，寓意全家团圆、平安美满。阳江人爱家，在外打拼多时，过年一定会赶回家乡，一尝呢款家嘅美味。

　　蒲圆子  图源:阳江日报

　　郁南印糍

　　郁南印糍内陷有花生、芝麻、糖，香口甜蜜，外皮薄而不破，热食入口软糯，摊凉就变烟韧，係游子乡愁泛起时最挂念嘅味道。每逢佳节郁南家庭都会做糍，再用糍印烙上专属印记，家人团聚一起品尝，寓意团圆美满。因为呢款美食摊凉后变硬易于储存，唔少游子离家时都会打包几个印糍带走，思家嘅时候将佢哋回炉翻蒸，即刻又可以品尝到温暖嘅家乡味道。

　　印糍 图源:郁南县广播电视台

　　罗定皱纱鱼腐

　　罗定皱纱鱼腐驰名中外，喺一种用鲮鱼肉混合鸡蛋清，打至起胶再落油镬炸至金黄色嘅美食。鱼腐谐音“愈富”，係节庆期间送礼、自用都好合适嘅传统佳肴，因为外形金黄圆润，亦有团圆美满、招财进宝嘅好意头。佢炒食鲜香有咬口，入汤绵软鲜美，喺罗定人春节嘅餐台上，一定会有呢一款“例牌菜”。

　　鱼腐