花开浪漫sweet date

　　三月花开，充满多巴胺的季节，浪漫之时最啱去date！漫游江门古村邂逅“彩虹”，动物CP们给你秀恩爱，老派约会当然要去广州老街，现代版“山盟海誓”，吃饭要美味也要漂亮……靓声男神、跨次元honey陪你sweet过三月，呢个春天，同Color共赴一次浪漫之约啦。

　　策划：骆苹 曾敏妍

　　统筹：曾敏妍

　　执行：郭玮、黄译萱、饶禧、秦丽莹、汤唯闻、张子殷

　　三月开花嘅浪漫季节，经常伴随雨纷纷的阴天，可乐君喺江门发现咗一条靓丽的彩虹。胡鸿钧全新巡回音乐会“役风Against All Odds”首站就喺江门，趁着音乐会预热活动嘅空隙，我哋喺呢个colorful land开启了一场浪漫约会。

　　郭玮/文  黄译萱/图

　　处处缤纷

　　江门白水带公园横坑村，被当地人叫做彩虹村，因为村内嘅房屋翻新后都涂上唔同嘅颜色，宛如一个童话王国。企喺过道中间，粉色高楼、橙色墙壁、蓝色承重柱同薄荷绿平房都会成为你拍照打卡嘅靓靓背景板，一起比心心超出片。大片海洋蓝嘅墙壁前有段彩色栏杆，借位影张相，即刻有喺邮轮甲板上吹海风嘅感觉。彩虹楼梯颜色层层递进，有步步高升嘅美好寓意。除咗抢眼嘅大色块之外，村内仲有唔少涂鸦墙，熟悉嘅卡通、鬼马嘅公仔、荧光色嘅“捞乜都掂”、手绘的Iron Man……得得戚戚！学墙上一pair鸭仔手拉手，可爱又sweet。与鸿钧漫游彩虹村，佢话到处都咁养眼，心情特别靓。

　　童心满载

　　喺彩虹村嘅对面，有个“沙主题儿童公园”。用彩条木砌成嘅迷你城堡，鸡仔造型嘅攀爬箱，肥嘟嘟鸡泡鱼滑梯……公园里无动力设计嘅游乐设施，大人细路都啱玩。鸿钧特意带住可乐君·牛牛，去打卡公园最红嘅粉红色牛牛头，牛头有两层楼咁高，眼仔碌碌超得意。儿童乐园都有自己嘅“彩虹”——彩虹配色嘅栏杆，跟住小山坡起起伏伏。无忧无虑玩大滑梯，令鸿钧记起细个时中意嘅音乐，佢为咗音乐梦不断努力，一步步走近自己嘅理想。

　　重拾美好

　　去到江门，好多人都会打卡电视剧《狂飙》取景点路线：猪脚面店、文具店、CD铺，都集中喺三十三墟。其实附近仲有一啲宝藏打卡地，例如小而精致嘅“心花放”花店，随手可以拣束靓花送俾心上人，即刻爱意满泻。三十三级楼梯顶端，有柳暗花明嘅小花园，攀藤植物半垂、旧木门、生锈嘅铁窗，绿植茂盛，小花盛开，仿佛在描述从前的故事。转个路口来到收获书店，旧书籍、老杂志，用图文记录着一些事，一些情，当我哋再次捧起旧书翻看，别有一番滋味在心头，收获不一样的浪漫。3月21日，2025胡鸿钧“役风”巡回音乐会就喺江门举行，关于江门嘅美好记忆，即将又会多咗一个。