喺万物复苏嘅时节，动物世界充满浪漫与生机。进入童话般嘅广州动物园，睇得意嘅动物CP揽头揽颈，打卡多彩的游乐园和城堡，用男友视角get恋爱大片，upgrade甜蜜氛围！

　　黄译萱/文   张子殷/图   郭玮/模特

　　动物CP甜蜜放闪

　　春天係动物交配的季节，动物情侣们会揽头揽颈、紧紧依偎、一齐晒太阳……自然嘅亲密互动，令你情不自禁化身“磕学家”，睇佢哋派糖。因为齐刘海发型出圈嘅狮子“阿杭”，最近换咗个中分大背头，从百兽之王变身温柔老公，用舌头为爱妻“贝贝”舔毛、贴身守护，被网友戏称为“别人家的老公”。6000斤嘅河马“憨达”同“清清”，浪漫招式都唔少，不过因为河马爸爸唔参与育儿，现在暂时见唔到佢哋同框。“官二代”亚洲象“跃龙”同老婆“曼玲”相伴十载，係动物园中一对模范夫妇，“跃龙”好听老婆话，两公婆经常同出同进，互相打闹，空气中弥漫着甜蜜。一夫一妻制嘅火烈鸟，诠释着忠贞不渝嘅爱情。动物情侣嘅日常十足浪漫爱情剧，除了拍佢哋，情侣都会喺动物界“爱情教科书”前留下亲密回忆。

　　童话世界浪漫剧场

　　从动物园地铁站进入广州动物园，沿途都係花哩碌的装饰，加上男友视角，一定可以拍出充满爱意与生命力嘅大片。自带港风滤镜嘅锦麟苑最出片，呢度係《我爱你！》嘅取景地，透过红色爱心金鱼缸比个心，秒get电影同款甜蜜合照。充满设计感嘅柱状鱼缸好复古，从鱼缸旁探出头或者透过鱼缸对镜头say hi，就会得到清新复古大片。游乐园门口嘅城堡好似童话世界，挨住色彩缤纷的小窗，拍一辑多巴胺写真啦！

　　唔好错过公园里面盏鬼嘅小动物雕塑，城堡前嘅斑马石像唔中意睇镜头，匿入威猛袋鼠嘅口袋感受max男友力，花坛边有emo长颈鹿同你排排坐……叫男朋友从旁边俯拍，拍出憨憨反差萌。熊猫馆后面嘅“大蘑菇”都係热门打卡地，蹲下同佢哋同框，好似去咗巨人国一样。广州动物园，唔单係动物天堂，更係情侣们制造独家回忆嘅浪漫剧场。

　　复古乐园心跳加速

　　动物园里新装修的游乐园，颜值超高，好适合带另一半来搵返小时候嘅回忆。复古配色嘅过山车最近因颜值出圈，同旁边嘅白色大厦相互映衬好出片。坐上城市飞车，同另一半头捱头爬到轨道顶点，拖实手齐齐尖叫，感受心跳加速带来嘅悸动。游乐园全新嘅绿色摩天轮，拍起来却更有年代感，坐象征浪漫嘅摩天轮升上高空比个心，喺云端留下相爱嘅痕迹。入到游乐场，玩下熊猫造型嘅碰碰车，喺一次次碰撞中碰出欢乐嘅爱火花。呢度仲有五彩斑斓嘅旋转飞椅、旋转木马等游乐设施，鲜明又混搭嘅色彩，营造出古早游乐场嘅氛围，帮你抛开烦恼，揾翻青春记忆。喺无忧无虑嘅气氛中，随手一拍便是充满年代感的乐园风大片。