第十五届全运会就快开锣啦！深圳係全运会闭幕式主办城市，游泳、羽毛球等热门赛事亦扎堆喺呢边举行。原来，每个场馆周围都藏住超有特色嘅食玩地图。趁住全运会呢个好时机，一齐边睇比赛一边叹世界，解锁深圳嘅有趣角落。

　　黄译萱/文 黄译萱、羊城晚报/图

　　八卦岭讲八卦

　　要数深圳嘅“发家史”，深圳市体育中心旁嘅八卦岭绝对够“八卦”！呢度曾经係印刷机轰鸣嘅印刷基地，街道上遗留旧工业区嘅印记，行走其中会见到老深圳嘅时代缩影。八卦三路上嘅书刊批发市场，係以前学生开学必去地，依家老档口实力仍在，来呢度打听心水漫画书和杂志嘅消息，绝对会有收获。依家嘅八卦岭转型成食客嘅“快乐老家”，保留住深圳最鲜香嘅市井记忆。因为发展得早，呢边有唔少饮食老店：河南老板开嘅张老三热豆腐凉粉店，係河南老乡私藏嘅“家乡味据点”；36年老店胜记，係深圳无人不知嘅招牌粤菜馆；24小时唔打烊嘅“丁妈杭州小笼包”，简单几样嘢，暖胃又暖心；食潮汕菜嘅豪林居，係老一辈深圳人心中嘅top1；啱搬入八卦岭嘅老店陕西村，有深圳少见嘅老陕孜卷食......八卦岭完美诠释深圳味就係家乡味。

　　大运中心行大运

　　龙岗嘅深圳大运中心，包揽咗深圳人嘅周末三大乐趣：行公园、逛商场、睇show。呢度几乎每个周末都有show睇，全运会期间会举行非常养眼嘅游泳比赛。旁边嘅大运天地好特别，佢係一间开喺公园里面嘅商场。开show前，一定要来呢度解锁“好运盲盒”：去“音乐画框”“高地聚场”呢啲地方，随时偶遇同担，齐齐打卡应援墙，仲有可能见到世界冠军、偶像明星；行到湖边，优雅嘅黑天鹅随时出现，北区嘅转角会撞见梅花鹿等你投喂；绝美嘅湖边落日，和你不期而遇，造型特别嘅艺术装置随机刷新……举起手机影相，张张都係大片！想解锁更多小惊喜，就去绘画高手汇集嘅大芬油画村，发掘“彩蛋”——藏喺巷仔嘅手绘漫画楼梯，艺术商店里嘅摆件天马行空，街道上充满颜料味。如果你係周杰伦粉丝，一定要去八度空间打卡周杰伦歌词涂鸦墙，认领返自己嘅青春回忆。

　　欢乐剧场寻欢乐

　　啱启用嘅深圳欢乐剧场，係全运会闭幕式场馆，亦係全国最大嘅户外水上舞台。坐喺浅紫色嘅露天观众席，望住波光粼粼嘅海岸与万家灯火相融，幸福指数爆标。从深圳欢乐剧场出发到欢乐海岸，正是深圳西部发展的“黄金轴线”，沿住深圳海岸线，把无边海景、城市天际线一次过睇晒。同另一半手拖手行去欢乐港湾，行喺通往浪漫摩天轮嘅心光大道上，手机自拍就有偶像剧剧照。前海石公园嘅草坪，变身“沙滩”，躺喺沙滩椅上，就好似去咗马尔代夫，享受海边度假嘅快乐！行多几步就到深圳人才公园，和朋友趴喺大草坪上露营，点个无人机送外卖，欣赏对面南山CBD嘅灯光秀，够晒佗佻。来到深圳湾公园，夕阳和海鸥齐飞，张开双手迎着海风来张松弛感大片，旁边草地上响起歌声，准时开场嘅海边busking，唱出深圳人嘅热血和欢乐。