作为第十五届全国运动会嘅重要举办地，香港会承办8个竞赛项目！除咗大家熟悉嘅维多利亚公园、香港体育馆（红馆），仲会启用全新地标——启德体育园。赛场分布喺港九新界，睇完赛事不妨喺香港玩多两转，等呢趟全运之旅更精彩、满足！

　　饶禧/文 饶禧、黄译萱、官方公众号/图

　　主场馆趣打卡

　　启德体育园可谓今届全运会嘅主战场之一，最近劲热闹，已经办过好多场演唱会同体育赛事。呢个占地28公顷嘅巨型场馆，坐落于狮子山前，里面有三个主要场馆：主场馆有开合天幕，喺呢度举行赛事，可以风雨无阻；体艺馆可以容纳上万人；青年运动场仲有世界级跑道。全运期间，呢度会举行击剑、手球同橄榄球比赛。今届全运嘅吉祥物“喜洋洋”“乐融融”，已经进驻体育园并开始“练波”，佢哋喺草坪上手揸乒乓球拍、抱住篮球，似乎准备好比赛；“两小只”仲会好识叹，食菠萝包、食蛋挞、揸养生壶，教大家劳逸结合，摆好靓pose等大家来散步打卡。仲有个惊喜，场馆外面无缝连接住商场Airside，汇聚咗几十间当地食肆，其中有唔少融合各地风味嘅创意fusion菜，时不时会搞快闪店、潮牌联名活动，让你一次过感受港味十足嘅吃喝玩乐！

　　睇睇波扫扫街

　　见证过唔少“天王巨星”开show嘅香港体育馆，即大家常说嘅红馆，今届全运期间会有男子篮球比赛（U22），多支队伍会喺呢度展开激战，大家可以近距离感受入波嘅热血瞬间。睇波前，不如先开启“扫街”模式！从红馆步行20分钟，去尖沙咀食大餐啦，呢度係香港嘅美食天堂，从米其林餐厅到街头小食，想食咩都有。想试经典茶餐厅味？去兰芳园饮招牌港奶，或者去华星冰室打卡明星同款。想叹烟火气？街边爆火嘅鸡蛋仔、狗仔粉一定要试。惊天气太热？附近嘅海港城、K11就係避暑兼逛街嘅好选择。睇完比赛仲可以步行去红磡码头，搭船过海继续玩。吹住海风，欣赏香港之夜嘅靓景！

　　图源：康乐及文化事务署官网

　　吹海风叹靓景

　　香港係个海滨城市，今届全运嘅沙滩排球同铁人三项，都会喺维多利亚港的岸边举行！大家可以一边叹维港靓景，一边感受全运赛事嘅激情。坐喺观众席，远眺中环建筑群衬蓝天，真係好舒服。铁人三项中嘅单车竞速同长跑环节，沿途仲会见到历史建筑群，睇比赛嘅同时，就可以同步感受香港嘅百年发展。比赛场地喺城市中心，大家喺度可以同时感受香港嘅快节奏同慢悠闲，体验会好特别！步行5分钟就到IFC商场，里面有开咗超过半世纪嘅老字号“正斗粥面专家”，记得试佢哋嘅鲜虾云吞面；去莲香楼，同上班族一齐抢热辣辣出炉嘅叉烧包；或者去TVB剧集《爱我请留言》嘅取景地“胜香园”，食碗香喷喷嘅“茄牛通”……入夜之后，坐下缓缓升起嘅摩天轮，近处係维多利亚港同九龙半岛嘅夜景，远处係车水马龙嘅城景，绝对係一个难忘嘅全运会记忆！