澳门可以话係一个小而精嘅旅游目的地，地方唔大，但浓缩咗好多精彩。“十五运”万众期待嘅乒乓波、篮球、空手道赛事，都会喺度举办，斋王楚钦、孙颖莎呢对风头趸，就吸引咗好多粉丝去观赛。澳门各个区嘅别致景色，之前吸引咗热映港产片《捕风追影》来取景，走在路上随时偶遇明星。趁住去澳门睇比赛，我哋顺便追星、睇景、relax一下，感受唔一样嘅澳门啦。

　　郭玮/文   郭玮、秦丽莹、黄译萱/图

　　氹仔：豪玩体验

　　今届全运会嘅3人篮球赛，会喺澳门永利皇宫南门户外草坪举行。永利皇宫装饰富丽堂皇，外面有浪漫喷泉，係电影《捕风捉影》重要嘅取景地，包括“养子”们的“变装大战”、电梯里的西装格斗战、洗衣房打斗戏等，都喺呢度拍摄。而华丽嘅酒店，氹仔唔止呢一家。逛威尼斯人度假村的名品购物街，室内运河同“蓝天白云”都好出片；伦敦人度假村嘅外观，令人魂穿《哈利·波特》霍格沃茨学院；巴黎人度假村直接将“巴黎铁塔”缩小搬到你眼前，喺小公园可以影出异国风情；新濠影汇8字摩天轮，会因应唔同嘅主题活动，上新不同嘅灯光秀……各大娱乐城都集美食、购物、娱乐、住宿于一体，俾你一个肆意放松、快乐购物嘅豪玩体验。如果只想买下手信、食下嘢，官也街一定係最佳选择。木糠蛋糕、猫山王榴莲雪糕、咖喱牛杂、手工肉干、杏仁饼，填满你“1008T”嘅胃袋，再嚟翻啖旺记手打咖啡收尾，氹仔之旅就完美了。

　　半岛：旧韵新意

　　全运会5人篮球赛，会喺澳门半岛塔石体育馆举行。半岛係中西元素结合最多嘅旧区，保留咗历史嘅韵味，又不断有新事物刺激游客。电影《捕风捉影》中，成龙遛狗出场嘅场景，就喺疯堂斜巷拍摄。黄红配色嘅葡式建筑，係呢度最标志嘅“识别码”，绿色嘅门窗、绿色的栏杆同绿色路标，同建筑配色撞出精彩。喺电影中，英记饼家史努比主题店係“跟踪队”首次行动用作掩护嘅地标，门口3米高嘅公仔好得意，成栋建筑好有英伦风，好多位置都适合摆拍打卡。澳门半岛必逛嘅大三巴牌坊，附近有可以登高望远嘅大炮台、粉红sweet的“恋爱巷”、令人满载而归嘅新马路，每次逛都会有令人惊喜嘅新发现。如果时间充足，喺澳门半岛可以逛逛博物馆，去岛上最古老嘅当铺睇金融发展变迁，到最新的美高梅博物馆见国宝“兽首”，新旧元素互相融合，係澳门半岛俾游客最大嘅印象。讲到美食，惹味葡国鸡、香甜鸡蛋糖、酥脆软滑蛋挞、脆炸马介休球……去澳门半岛一定唔可以错过呢啲传统葡菜。

　　路环：放肆悠闲

　　如果你想避开人群、悠闲chill逛，冇安排全运会赛事嘅路环岛，就好值得一逛。喺《捕风捉影》出现过路环圣方济各圣堂、图书馆、咖啡店，当你亲身嚟到路环，会被呢度优雅嘅葡式建筑、朴实嘅民风日常、浪漫嘅海傍风光深深吸引。行小道望望五彩小平房，排队等食安德鲁饼店总店啱出炉的葡挞，hea坐喺树荫下的木椅吹吹海风，再饮一杯连“发哥”周润发都赞嘅手打咖啡，所有压力都随风而逝啦。

　　路环汉记手打咖啡