喺第十五届全国运动会期间，东莞有3个场馆会承担比赛任务：作为“举重之乡”嘅石龙，会以石龙中学体育馆承接赛事；东莞篮球中心同东莞市体育中心，则会负责五人制男子成年组篮球比赛。除咗到东莞睇精彩赛事，大家亦可以腾少少时间“速游”东莞，体验超过瘾！

　　郭玮/文  东莞发布/图

　　石龙“星味”浓

　　石龙人杰地灵，不单培养咗好多举重界嘅冠军人物，仲藏住唔少“星光故事”。作为“举重之乡”，呢度有一个以举重为主题嘅博物馆，里面陈列住中国世界级举重之星嘅手印、事迹，自然亦少不了东莞举重健儿嘅威水史。开馆当日，奥运冠军李雯雯、石智勇等运动员都亲临现场。香港乐坛“天王”郭富城亦同石龙有渊源：佢嘅太爷郭忠成以前喺石龙开金铺，今年年初，佢特意回到祖屋寻根，仲许下愿望，希望日后可以喺石龙重开太爷嘅金铺。

　　影视方面，石龙都好有“戏”。不久前，辛芷蕾荣膺第82届威尼斯国际电影节“影后”，其主演嘅电影《日掛中天》带旺广东文旅，石龙客运站、石龙中山路历史文化街区，都係呢部戏嘅取景地；另外，《热辣滚烫》曾喺石龙南岸公园取景，至今仲有好多人去打卡；《奇迹・笨小孩》里嘅贴地旧小区，实际就係石龙华景小区，当时剧组为咗贴合剧情，仲特意将呢个小区布置成深圳华强北嘅模样。石龙真係嘅充满电影感嘅小镇，不妨过来走走，打卡明星同款路线！

　　郭富城　　郭富城祖屋　　《奇迹·笨小孩》华景小区　　《热辣滚烫》南岸公园　　举重博物馆

　　睇波游古村

　　我哋个friend张继聪，最近去东莞篮球中心打卡时发现，场馆附近藏住唔少明清时期遗留嘅古村落，每一个都有独特韵味，值得慢慢逛。比如西溪古村，至今仲保留住大片明清古建筑群，祠堂、书房、古民居同古井错落分布，巧妙融合咗东莞红砂石与青砖嘅传统工艺，将岭南佳果元素融入装饰之中；建筑承载住百年历史，藏住不可估量嘅艺术价值。不远处嘅横坑古村，则多咗份历史沧桑感：湖水清冽，老树虬劲，两者相映成趣，成咗呢度最标志性嘅景致，曾荣获“人文历史类最美乡村旅游示范区”嘅称号。面积唔大嘅药勒古村，处处有惊喜：古老榕树好遮阴，旁边护村河清澈见底，为数不多嘅祠堂同老宅院都保留咗原始风貌。等到夕阳西下，仲会偶遇悠闲散步嘅家犬同走地鸡，惬意又宁静。漫步古村散散心，用饮一杯咖啡嘅时间放低所有烦心事，身心舒爽。

　　张继聪打卡照　

　　“莞味”超有料

　　东莞人由细食到大嘅味道有啲咩？喺东莞市体育中心附近，就有个“味道地标”——嘉顿食品厂。厂房旁边有间小房间，专门卖等外品：散装瑞士卷、未分装嘅雪芳蛋糕、透明塑封方包、未入蜡纸袋嘅生命面包……好多东莞人从小食到大嘅点心，喺呢度都买得到；偶尔仲有各种量贩装饼干、零食可以执漏，小朋友嘅快乐就係咁简单。东莞非遗特产“矮仔腊肠”亦有佢嘅独特风味：东莞腊肠短而粗，先将肥瘦肉按比例剁碎搅匀，加入山西汾酒提香，再用特级生抽、食盐同白糖调味；无论蒸热食，定係用来爆炒，都有鲜爽口感同醇厚酒香。除咗美食之外，东莞仲有一样特有嘅“气味符号”——莞香，佢係东莞嘅文化名片之一。

　　莞香制作　　莞香　　东莞矮仔腊肠　　东莞腊肠　　草莓味威化饼　　芝麻汉堡胚　　麦包