“十五运”热潮直扑大湾区！作为大湾区核心城市，中山、江门、肇庆、惠州、珠海各担特色赛事：中山承办棒垒球赛，江门承办花样游泳赛，珠海承办自行车赛，惠州承办跆拳道，肇庆承办体操、柔道比赛。趁住睇比赛嘅好时机，我哋用“一条街读懂一座城”嘅玩法，用双脚去探索呢五座有故事、有底蕴嘅城，边睇赛边逛，爽到飞起！用脚步探索呢五个有历史底蕴的城市。

　　黄译萱/文  黄译萱、羊城晚报/图

　　中山：漫游“南洋”

　　喺中山，同棒垒球队一样青春有活力嘅，就係充满马卡龙色嘅孙文西路步行街。啱啱翻新、靓爆镜嘅南洋风骑楼街，可以帮你搵到香山旧时嘅繁华商业味。被称为“小粉楼”嘅香山商业文化博物馆，藏住中山嘅威水史，呢度既还原咗商业街旧貌，又收藏住古往今来嘅香山商品。走进由孙中山亲属创办嘅老字号——孙奇珍茶楼，一定要试乳鸽、扣肉、小榄炸鱼球、碌鹅呢啲中山名菜。思豪大酒店、汇丰百货、永安百货、中山百货呢啲老建筑，係孙文西路上最靓丽嘅地标。最后，去开喺骑楼入面嘅四囍咖啡店、本土茶饮品牌“茶仙逸”hea下，享受慢生活。

　　香山商业文化博物馆　　中山百货　　孙文西步行街

　　江门：一路“狂飙”

　　我哋跟住花样游泳队，去“侨乡”江门嘅老城区发源地——三十三墟街行下先！呢度係《狂飙》中高启强嘅发家路，亦见证住“金山阿伯”嘅发迹史。行

　　走在骑楼老街上，跟住街头tips逐个打卡：广博文具店就係“强生小灵通店“拍摄地；去徐记面馆，试下”强哥同款“嘅蓬江十大名菜——猪脚面。沿住取景地三十三级台阶行上墟顶老街，入旧民居嘅小花园影返张靓相，踱入收获书店和老花店，感受旧时光中的浪漫。沿途仲可以品尝新会陈皮、台山黑豆沙等特色小食，绝对让你大饱口福。

　　《狂飙》剧照“猪脚面”

　　老街陈皮店　　三十三级石梯

　　珠海：骑行海边

　　公路自行车比赛会途径珠海嘅情侣路，我哋跟住选手嘅节奏，嚟呢条长55公里嘅情侣路骑行，边打卡珠海地标，边感受海边嘅浪漫。喺海滨泳场嘅白沙滩等日出，听棕榈树沙沙作响，喺爱情邮局睇灯塔影靓相，再逛逛得意文创，写下爱情誓言，充满仪式感。途中仲要同情侣路上最靓“女主角”——珠海渔女影返张合照先得！经过城市阳台补充能量，记得喺超正嘅观景位食餐海景“漂亮饭”。对着宽阔海景、望住壮观嘅港珠澳大桥，海天公园呢边嘅落日晚霞真係好靓。去珠海，同crush来一场最chill嘅海边约会吧！

　　珠海大剧院　　珠海市香炉湾　　情侣路

　　惠州：潮玩古街

　　跆拳道同滑板呢两项运动，将会喺古色古香嘅惠州举行。惠州嘅水东街，让繁华古韵与新潮风味mix得啱啱好，成为年轻人最爱嘅蒲点之一。沿着水东街寻找历史痕迹，例如登上岭南六大名楼之一嘅合江楼，get苏东坡“海山葱曨气佳哉，二江合处朱楼开”嘅同款望江视角；行到白鹤峰下嘅东坡祠，喺苏东坡喺岭南唯一自建嘅宅第，回望佢造福一方嘅好事、食饭写诗嘅日常。饮食亦多姿多彩，沿途中有阿嬷叫、萝卜粄等惠州特色小食，香气扑鼻；到深夜，仲有各种海鲜大排档向你招手，食宵夜吹吹水，係大家都喜欢嘅烟火气。

　　宵夜大排档　　水东街（图源：惠州发布）　　惠州合江楼

　　肇庆：探秘古城

　　喺肇庆举办体操与柔道，真係再合适不过！盛产端砚嘅肇庆，气质温润如墨，有山清水秀嘅鼎湖山，更有历经近千年风雨嘅宋城墙，一条条街巷都有佢嘅故事。

　　从府城遗址公园出发，被称为”肇庆小长城”嘅宋城墙围绕住成个公园，城墙下嘅草鞋街，旧时係工匠为城内官兵织草鞋嘅地方。与之对望嘅丽谯楼，以前係包拯办公嘅地方。包公嘅青天美名就是始于端州，不远处嘅米仓巷就留有丰济仓、包公井这些遗迹。沿住街巷行到路口，古屋上嘅“肇庆”大字好醒目，即刻影返张打卡相，再到旁边嘅肇庆博物馆，了解肇庆嘅前世今生，又学到嘢了！

　　肇庆宋城墙

　　披云楼　　肇庆端砚