|
|
“一夜豹富”香包，绒面设计，摸上手好舒服啊 |
|
|
|
|
|
茹意 |
|
|
狐狸发夹 |
|
|
“一夜豹富”&“要咩有咩” |
|
|
|
|
|
|
|
|
|
|
|
用简洁几何体呈现融合肤色差异的意境 |
|
|
|
|
|
华华七 |
|
|
充满童话风同趣味性嘅马戏团兔子耳环 |
|
|
|
Original 市集最不能少嘅，就係创意满满、灵感源源不绝嘅摊主们，佢哋用自己嘅双手创作出一个别样的天地。摊主为市集带来咗天马行空嘅创作，而市集都反过来带畀摊主更多创意。今次我们就专访咗四位有趣嘅手作人，佢哋以创作者的经历，来话畀你知，市集的另一种乐趣。 江映姗、彭琳/文 曾敏妍、受访者提供/图 第七街七号店 係“挂住你”定係“前度”爆炸头？ 仲记得80年代最把炮嘅造型吗？全世界好似约好咗咁，集体开始尝试浮夸大胆的风格，直到依家复古风都未退散，依然喺度刮紧。抢眼式的爆炸头係年轻人的最爱，华华七的爆炸头系列耳饰，係佢最hit嘅产品，又红又绿，光怪陆离得嚟有啲可爱，通常中意take risk的顾客会入手几对。正所谓，你嘅选择，反映咗你嘅性格。呢嗰系列被华华七命名为“挂住你”的爆炸头，但係有位顾客话想叫佢“前度”爆炸头，话係为咗纪念前度男友。所以话，每个人对七七的作品都有唔同嘅理解，就係因为哩种会令你异想天开嘅联想魔力，吸引咗唔少顾客嘅青睐。 森市集等住你 对于经常参加各种市集嘅七七，喺近5年嚟，收获咗好多志同道合的手匠朋友，时不时仲会约埋一齐交流心得，佢话呢种经历真係好可贵。因为结识咗好多欣赏自己作品嘅忠实fans，从而激励自己大胆创作更多有趣嘅作品。七七希望嚟紧嘅森市集可以融入更多艺术插画创作者，添加更多有趣、带仪式感的互动环节，延续每期都有特别主题策划嘅传统。 茹意原创手作 Lucky 市集刺激设计灵感 平时嘅茹意热衷于逛市集，尤其係森市集，所以当自己设计嘅作品面世后，佢第一时间就谂到可以试下参加森市集。皆因对比其他市集，茹意认为森市集嘅商业味冇咁浓，更多嘅係一班手作爱好者嘅聚集同分享。喺市集度，每件手作嘅销情同客人嘅意见，都直接反映市场对茹意手作嘅评价，亦令佢可以及时因应呢啲反馈调整未来嘅创造方向。 趣稚祝福镜 暗藏广府情怀 健谈嘅茹意自细就中意画画，大学主修设计嘅佢，毕业之后亦都选择投身设计行业，佢认为，可以将自己嘅兴趣同工作结合，係一件好幸福嘅事。从事UI设计嘅佢认为同样係设计，手作带畀佢嘅愉悦感会更加直接：因为顾客购买佢手作呢件事，喺佢眼中係认可佢嘅表现，呢种得到认同嘅愉悦同满足感係即时嘅。对于茹意嚟讲，因认同而产生嘅鼓励，可以push佢继续去设计，呢啲动力仲可以延续去正职工作中，绝对係一举两得。对于手作设计，茹意并冇刻意规划时间去做，通常都係有idea就先mark低，闲时再具体细化。对于作品嘅设计，茹意就希望可以融入佢所熟悉嘅广府文化，一方面係代表到自己嘅标志，另一方面亦希望係一种文化嘅传播。
