|
|
|
|
|
|
|
|
|
|
|
凉拌海螺、香辣猪蹄 必点嘅下酒菜 |
|
|
|
|
|
|
|
|
野生鮟康鱼火锅，解酒首选 |
|
|
|
|
|
|
|
|
芝士五花肉卷，肥美嘅五花肉包住芝士，简直係魔鬼 |
|
|
五花肉的油香配合海鲜的鲜香，增添咗唔少味觉上的冲击 |
|
|
极邪恶芝士拉丝鸡蛋卷 |
|
|
|
|
|
餐前9大韩式正宗小菜 |
|
|
|
拉丝芝士热狗棒、爆汁夹心烤肉、火辣猪蹄、爆浆芝士鸡蛋卷...想Get韩剧同款又想试新嘢？想体验90年代韩国街头宵夜大排档嘅“布帐马车文化”？韩料爱好者请收好呢份正宗嘅韩式餐馆推荐！ 冼颖樱/文 叶思玲/图 千奇百趣“韩式夹心烤肉” 你仲食紧传统嘅韩式烤肉？係时候试下新嘢啦！呢款颜值高、肉身厚、内馅足嘅夹心烤肉就係呢间店嘅“常驻嘉宾”，厚切的五花肉肉质扎实、肉汁饱满，夹住原只鲜虾，焦黄香脆得嚟又够晒弹牙。芝士夹心烤肉放喺低温的烤盘上烤至焦黄，夹起身仲会有少少拉丝！食完一碟，卡路里瞬间飙升！ 唔想咁邪恶？咁不妨试下老板特调嘅餐前9大韩式小菜，连同蔬菜一齐包住食，清爽嘅生菜可以中和五花肉嘅油脂感。另一款的爆浆芝士鸡蛋卷，佢嘅芝士拉丝简直可以拉到去隔离台，沾上鲜甜嘅咖喱酱，一啖一个真係好满足！ 肉片丹心（兴盛路店） 地址：天河区兴盛路10号隽峰苑1期2楼221铺（心家韩国超市旁边） 营业时间：周一至周六 17:00-24:00 布帐马车“韩式宵夜大排档” 呢间开喺兴盛路嘅韩式大排档，虽然都係“肉片丹心”嘅分店，不过呢间就主打韩国90年代宵夜档嘅氛围。店外两边都围蔽咗透明拉帘，营造出韩国街头宵夜“布帐马车”嘅即视感。贪靓嘅你如果要补充骨胶原，绝对要试下呢度嘅韩式香辣猪蹄，口感咸鲜、微辣、烟韧，凉拌嘅海螺酸酸甜甜就十分开胃。小食就有鱿鱼、韭菜饼、炒米肠、炸虾、炸鱿鱼，全部都炸到焦香，食落又唔会太heavy。 食香口嘢最啱就係嚟杯烧啤，杯身会标明烧酒同啤酒嘅比例，如果你嘅酒量麻麻，咁烧酒倒到第一条横线就OK啦。饮完烧啤之后，你可以整煲野生鮟康鱼火锅嚟解酒，鲜虾、鮟康鱼同萝卜一齐熬煮，成煲汤真係好鲜甜。 肉片丹心·韩国料理 地址：天河区天河南一路14-16号首层 营业时间：周一到周日11:30-22:00 满屏邪恶“韩国芝士热狗棒” 减肥嘅仙女男神们，你哋嘅魔鬼嚟啦！红遍韩国街头小巷嘅芝士热狗棒，强势登陆广州，身为一个“芝士狂魔”，相信你一定抵抗唔到满满拉丝嘅诱惑。要趁热一大啖咬落去，咁先可以食出最佳嘅拉丝效果！马苏里拉芝士，奶香浓郁；大大嚿香肠，肉嫩爆汁。喺面包糠嘅承托之下，外酥里嫩，内馅足足有8款唔同嘅口味任君选择。最后淋上番茄酱同蜂蜜芥末酱，绝对係口齿留香，回味无穷。 宋家热狗 地址：天河区六运二街一号101号 营业时间：周一至周日11:30-22:00
