|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
平时返工返学，生活火花多数都欠奉噶了，想话搵翻啲生活激情？咁睇翻套紧张刺激嘅查案剧，会係一个唔错嘅选择。烧脑嘅同时跟住主角一齐抽丝剥茧，侦破奇案背后嘅种种谜团，锻炼脑力之余，仲可以消磨时间！ 彭琳/文 图片来自剧照 《逆天奇案》 逆向思维破奇案 讲到TVB最拿手的剧集类型，相信查案剧一定稳居前列。虽然近年TVB啲查案剧翻车嘅都唔少，不过今次呢部《逆天奇案》依然有唔少观众期待。呢部主打逆向思维智破奇案的新剧，首播一星期就已经收视同口碑双收。对于观众而言，明快的节奏，电影感十足的镜头，同埋几位演技扎实的主演，都係剧集加分之处。单元式的破案设定，亦增加咗剧集的追看性，每个单元仲有唔少艺人惊喜亮相添！呢部新剧暂时就开咗个靓头，之后只要保持查案的水准，唔好畀感情线喧宾夺主的话，相信走势将会持续凌厉！ 《窥探》 恶魔的诞生 近年来李昇基接拍嘅戏，口碑评价都极好，最近嘅呢部韩剧《窥探》都係一样！开播两个几月，观众就好评不断。何解咁把炮？全因内容设定脑洞大得可怕：如果“恶魔基因”可以检测出嚟，你会选择放弃定接受？为咗解答呢个命题，《窥探》亦都利用变态杀人魔嘅两个仔，展开人性实验，睇下到底恶魔基因可否能够通过后天改造来磨灭。剧中对于儿童犯罪嘅描写真实而可怕，但就揭露出细路一样可以係恶魔嘅事实，呢个亦係剧集最后被定为“19禁”的原因。 《一刑的乌鸦》 正邪对立 坚守正义 日式律政剧一向都有唔少嘅捧场客，今年呢部由漫画改编的《一刑的乌鸦》，作为春季新剧，一样係熟悉嘅配方：男女主角一个性格怪异一个墨守成规，明明唔啱key，但就喺寻求法律正义的过程中，查出火花……不过，桥唔怕旧，最紧要受！今次呢部律政剧喺案件设定上面，结合社会话题嘅同时，仲输出咗唔少司法方面嘅干货。每次嘅正邪对立都足够扣人心弦，角色之间亦都金句频出。加上有竹野内丰，演技绝对有保证。有齐大家中意嘅煲剧元素，难怪喺日本出街之后收视率一直飙高啦。
