|
|
《怒火》 英皇影业有限公司，Bullet Films Productions Limited，导演陈木胜，监制陈木胜、甄子丹 |
|
|
曾觅曾任《号外》、《周末画报》及《新视线》的摄影师 |
|
|
《狂兽》 太阳娱乐文化有限公司，导演李子俊，监制郑保瑞、黄柏高。这是曾觅第一次担任海报设计工作。 |
|
|
《怒火》 英皇影业有限公司，Bullet Films Productions Limited，导演陈木胜，监制陈木胜、甄子丹 |
|
|
《非凡任务》 香港完美世界影业有限公司，导演麦兆辉、潘耀明，监制黄斌 |
|
|
《非凡任务》 香港完美世界影业有限公司，导演麦兆辉、潘耀明，监制黄斌。 |
|
|
狄龙 高大魁梧的他，家居布置却选材花俏，反差下的狄龙反而更令人难忘 |
|
|
徐克 被抓拍的真实瞬间 |
|
|
刘德华 沉思中的他，有另一种魅力 |
|
|
吴宇森 观众未见过的另一面 |
|
|
许鞍华 为了影到许鞍华最放松的状态，深夜时分摄影师将其带上无人的电车，成功拍下经典一幕 |
|
|
卢玉莹曾为《电影双周刊》《号外》杂志作人像摄影 |
|
|
《流光·飞影》2021香港电影主题摄影展 时间：即日起至5月23日 地点：广州市天河区珠江东路6号K11购物中心B2 言几又书店 |
纵观成个中国电影史，若然要数当中某个重要嘅印记，相信一定会有港产片嘅身影。自上世纪七八十年代开始，经历紧“新浪潮”嘅香港电影，正逐步走向辉煌。题材包罗万有嘅港产片，塑造过无数经典，辉煌嘅背后，全赖一班热爱电影嘅香港电影人。“《流光·飞影》2021香港电影主题摄影展”最近就喺广州K11展出，趁住今次机会，COLOR专访咗两位同港产片关系密切嘅摄影师：卢玉莹同曾觅，带大家领略港产片嘅另一面。 彭琳/文 图片由被访者提供 卢玉莹 善用身形埋身战 真实瞬间1take过 喺电影行业，曾觅係剧照师，亦係海报设计师。对佢嚟讲，海报设计係融入咗设计师本身对电影嘅理解，会更具个人风格；而剧照嘅拍摄，同现场嘅环境、演员嘅表现、导演嘅谂法都有好大关系，比较需要多方合作。不过无论係剧照定海报，曾觅每次都会全情投入，务求令每次嘅作品都以最佳嘅面貌示人，从中获取嘅满足感亦能push佢继续创作。 冷眼旁观 用镜头捕捉香港电影人 自认“城市猎人”嘅卢玉莹，对于人像摄影亦有自己嘅见解。佢认为自己摄影嘅时候情绪上係澎湃嘅，咁样先可以同人物“过电”，定格最真实嘅瞬间。但另一方面，喺拍摄期间，佢又会选择冷眼旁观自己嘅摄影对象，或者抽身出去，先可以更全面咁发掘佢哋自然真实嘅一面。喺卢玉莹嘅镜头底下，无论台前定幕后，都展露出佢哋喺人前少见嘅状态。虽然大家嘅神态各异，但喺卢玉莹眼中，佢哋每一位为港产片拼搏嘅面貌都极之迷人！ 曾觅 喺电影世界入面 寻获挑战与新鲜感 原先从事平面、广告摄影嘅曾觅，机缘巧合之下结识到剧照师木星先生，由此展开佢嘅电影之旅。初初接触电影行业，佢觉得并不吸引，后来因为生活上嘅转变，令佢迷上电影世界嘅多变与创新。喜爱新事物嘅曾觅，深入接触咗电影行业之后，佢发现电影本身就係多变嘅，无论係题材定班底，每次嘅转变对佢嚟讲，係挑战亦係全新嘅体验。当佢适应到变化多端嘅电影世界之后，每次参与其中都会加深曾觅对电影嘅兴趣与感情。 通过多变的色彩与角度 呈现电影原有风格 喺七八十年代，受摄影器材选择嘅限制，以及欧美黑白电影嘅盛行，黑白菲林相亦成为当时卢玉莹嘅心头好。除咗偏爱黑白影像之外，28mm嘅广角镜似乎亦係佢嘅首选。佢认为，镜头捕捉嘅画面越多，对佢塑造人像越有帮助。卢玉莹身形相对细粒，但一攞起相机就会狠劲十足，极具侵略性！抗拒“罐头表情”嘅佢，会一直紧贴被摄对象，搵到啱feel嘅瞬间，佢就会撳低快门。喺佢眼中，定格嘅嗰个瞬间，人物同镜头间嘅“交流”已经达至最佳，仅此1take即可收货！ 和陈木胜导演相处 最是难忘 同曾觅合作过嘅导演入面，陈木胜导演可谓係最令佢难忘嘅一位。“睇落正气凛然嘅陈木胜导演，无论待人定处事，佢都係一个谦谦君子，工作中佢都好乐于鼓励身边嘅后辈，又会以开放嘅心态接纳新事物，变相令我哋做事都放胆咗！”陈木胜嘅离开係电影界嘅损失，但佢待人处事嘅态度将会一直长存，而佢所代表嘅香港电影，亦会融合更多可能性继续延续落去！
