|
|
店内展出嘅潮玩，全部都係主理人嘅珍藏 |
|
|
店内展出嘅潮玩，全部都係主理人嘅珍藏 |
|
|
外墙嘅涂鸦墙劲抢眼 |
|
|
|
|
|
店内一角 |
|
|
复古电视机的摆位，同动画中的场景相像 |
|
|
|
|
|
饮品价格亲民 |
|
|
喺店内见到公仔就会忍唔住打卡 |
|
|
呢一车公仔总有一款啱你心水 |
|
|
有啲古董娃娃係非卖品 |
|
|
古董玩具、胶脸娃娃手机壳 |
|
|
各式趣稚嘅公仔 |
|
|
小熊维尼的专属角落 |
|
|
|
细个嘅时候，我哋都会有爱不释手嘅玩具。随年渐长，我哋接触嘅世界越来越大，但心底依然有个中意玩耍嘅小朋友。边个话大个之后，就唔再适合玩公仔噶？今期COLOR就发掘咗两间风格不一嘅童趣小店，带大家喺营营役役嘅生活里面，寻回做小朋友嘅乐趣！ 彭琳、实习生 许家铃/文、图 彭琳、实习生 许家铃、受访者提供/图 零零/模特 我有玩具，你有故事吗？ 一人有一个梦想 ，店主钱小姐嘅梦想就係开一间玩具店。细个嘅时候爸爸妈妈出远门，带返嚟畀佢嘅礼物都係好得意嘅公仔，令到钱小姐细细个就有收藏玩具嘅习惯，亦令梦想变得更加坚定。同大家一样，钱小姐嘅童梦乐园入面，有识跳舞嘅唐老鸭、一齐跳探戈嘅米奇和米妮、唔想返学嘅樱桃小丸子……估唔到嘅係，钱小姐就係因为一对胶面嘅米奇米妮“入坑”，而家已经成为两间“大儿童乐园”嘅店主，可以同大家一齐keep住呢份童真，分享更多嘅快乐！ 随时有惊喜 喺呢间店入面，目光所及的每一个角落都可以发现惊喜。古董娃娃、牛奶妹、史迪仔、天线宝宝固然係店里的主角，但除咗公仔之外，大儿童乐园仲有好多有趣嘅小物件噶。例如可以随身携带作为衣服、手袋配饰嘅白雪公主、小熊维尼徽章，细细只但就可以作为衣物的点缀。扮靓靓又点可以少咗手机嗰份？而家啲人成日机不离手，大儿童乐园就顺势推出以古董玩具、胶脸娃娃为创作背景的手机壳，热爱玩具嘅你就唔好错过呢啲文创周边啦！琳琅满目的公仔堆入面藏着一排古着，复古风格嘅连衣裙、卡通大头印花T恤，色彩缤纷，夏日休闲look帮你安排好晒！ 大儿童乐园 营业时间：13:00-21:00 逢周一休息 地址：广州市天河区天河南路六运一街27号104房 营业时间：13:00-21:00 逢周二休息 地址：海珠区江南中街青凤大街17号101铺 得意“私窦” 日啡晚Bar 潮玩创意满载 对于一班童心未泯嘅大儿童而言，潮玩世界或者就係童心嘅延续。马里奥、阿童木、米奇、奥特曼…係店内随处可见嘅潮玩，当中仲有唔少係X爷珍藏嘅限量版。价值不菲仍然公诸同好，为嘅就係令更多人可以沉浸其中，收获满满嘅童趣。除此之外，呢度仲有伊藤润二嘅全套漫画，铺满成面墙！挑战“恐怖耐力”嘅漫画书，复古嘅电视机模型，奇趣得意嘅潮玩……风格各异嘅摆设，便交织出一个创意十足、随你想象嘅小天地。 私窦变蒲点 喺国内潮玩界颇有名气嘅厂牌HEY JOY，主理人X爷本身就係咖啡爱好者，呢度嘅创立，就因为X爷谂住係办公区域，打造一个可以畀员工chill住叹啡嘅私窦。不过呢度奔放嘅外墙涂鸦、渐变嘅彩色玻璃窗门、砖红嘅内墙，幻变嘅灯光颜色，装修风格复古得嚟又够晒色彩缤纷，喺老街当中相当显眼，慢慢成为咗唔少后生仔嘅新蒲点！私窦难得有人和应，X爷亦顺势加推夜场，实行日头叹啡，夜晚啤一啤（啤酒）！café同清吧间自由切换。 HEY JOY·COFFEE&BAR 营业时间：咖啡09:00-17:00；清吧15:00-24:00 地址：海珠区江南大道中260号蓝天里西门
