|
|
雪原豆乳白玉冰 |
|
|
人气招牌刨冰，选用动物奶油更健康 |
|
|
|
|
|
|
|
|
|
|
|
招牌粉圆大荟 |
|
|
招牌红豆牛奶刨冰分量十足 |
|
|
|
|
|
|
|
|
分量十足，啱晒情侣一齐食 |
|
|
泰茶刨冰，变成冰嘅泰茶唔会好甜 |
|
|
|
又到了可以毫无顾忌食冰嘅季节！嗦一啖刨冰，可以拯救你嘅精神！Color君最近发现三间各有特色嘅刨冰店，泰式、台式、脏脏冰……总有一个冰点可以令你精神一振！ 冼颖樱/文 叶思玲/图 台式刨冰，"嗦嗦"声！ 员村一带，有唔少甜品店。论口碑好嘅老字号，大家会谂到开咗20年嘅昌乐园糖水，但大热天下，喺昌乐园对面马路有间唔起眼嘅"鸿记"刨冰店，一样好受欢迎。店内主打台式、港式甜品，17年嚟都係做街坊生意，甜品最低6蚊，最贵亦不过17蚊，性价比几高嘅。虽然冇空调，只有两把大风扇，热浪都阻挡唔到大家对刨冰嘅热爱。刨冰都喺现点现锉，用传统刨冰机将大块冰刨碎，口感同绵绵冰唔同，口感冰凉爽脆，食起身"嗦嗦"声，特别爽口！ 推荐1：粉圆大荟 其实係红糖牛奶冰加手工嘅夹馅粉圆，粉圆嘅口味，红薯、红豆、芝麻、香芋、花生馅都有，不过因为要现煮，落单需要等10几分钟。粉圆、芋圆有咩唔同？粉圆口感比芋圆更加弹牙，更有嚼头！ 推荐2：招牌红豆牛奶冰 满满嘅红豆将牛奶刨冰遮好密实，就算淋咗香甜炼奶，牛奶都冇红豆抢眼。重点喺大大碗，先至15蚊，几实惠嘎！ 鸿记甜品（员村店） 地址：员村二横路5号员村新村牌坊旁 营业时间：周一至周日 12:00-24:00 泰式刨冰，配料够多！ 而家我哋要出国门唔容易，于是，大家喜爱的泰国美食纷纷嚟广州报到！泰绿柠檬茶、泰国奶茶已经遍布广州大街小巷，而家连泰式刨冰，我哋都可以喺广州食到--开在北京路上嘅暮雪亭。 在暮雪亭，刨冰嘅种类有四款选择：泰茶冰、红豆芋圆冰、芒果冰、香芋芋圆冰，人均15蚊。唔少在附近住、上学的同学仔都会去打卡，高峰期想食？唔该排队先。这家店之前开在漳州、厦门，一样要排队的。 推荐1：泰茶刨冰 用泰式奶茶做的刨冰，奶茶透出的茉莉花香，和顶部奶盖的香甜绵密，就算冻都可以吃得出，底下藏着温热的糯米丸子、西米，面上有麦片、坚果点缀，冰火两重天，口感非常丰富了。 推荐2：红豆芋圆冰 如果你对红豆情有独钟，这款刨冰一定不能错过。红豆睇起身仲係一粒粒，实质有红豆沙嘅口感。牛奶冰上有厚厚嘅黄豆粉，食嘅时候记住要收住呼吸，不然吸到成面都係粉，食相会畀人笑。 暮雪亭（惠福东路店） 地址：惠福东路417号 营业时间：周一至周日 10:30-22:30 自创刨冰，口感层层叠 这家糖水铺，Color在上一期都提过。因为店内最受欢迎嘅Top5甜品中，三款就係刨冰，今次一定要单独再推介下。老板娘因为自己嘅小朋友中意食糖水，所以中意自创一啲无添加剂嘅甜品，对原材料嘅要求十分高，抹茶粉由日本引进，连红豆都要一样大细。 推介1：独角兽脏脏冰 独角兽脏脏冰係这里的王牌冰品，刨冰用生牛乳刨制，内部碎冰洋溢住满满嘅椰子味，顶部奶油选取动物奶油，香味浓郁，口感更加细腻，奥利奥、椰蓉、椰子片同奶盖冰沙要一齐食，香脆得嚟唔会太甜腻。 推介2：雪原豆乳白玉冰 这款刨冰用嘅係日本进口黄豆粉，黄豆的香味特别浓郁，仲有香糯紫米铺底，如果配埋豆花一起食，好味又填肚。 糖拾壹手工糖水（北京路店） 地址：惠福东路451号101铺 营业时间：周一至周五 13:00-22:30 周六至周日 11:00-22:30
