|
|
《天生二品》单曲封面 |
|
|
陈凯咏新专辑《Processing》 |
|
|
|
|
|
|
|
|
|
|
|
|
|
|
|
|
|
|
|
|
|
|
|
《隔离》单曲封面 |
|
|
陈凯咏、林家谦合唱《隔离》 |
陈凯咏Jace的出道，可以话相当“劲爆”。2019年，她以歌手身份推出《想突然》，当年就以此歌获得《新城劲爆颁奖礼》“劲爆新人”奖项；2020年，凭《隔离》夺得“劲爆歌曲”奖项 ；今年，她推出的首张个人专辑——《Processing》，首日开售已达金唱片销量，专辑歌曲在串流音乐平台MOOV的点听率超过200万次。除咗音乐创作，Jace仲不断尝试做主持、演员、博主，样样都做得唔错。她係唔係真如她所唱嘅歌词：天生魅力怪奇？ 陈祉伶/文 受访者提供/图 多才多艺多面Jace 今次专辑名叫《Processing》，设计非常契合Jace嘅性格，以心与脑，感受与思考的对比作概念，一个微妙的对立却共存的关系。专辑除咗收录大热歌曲《I Wish》、《隔离》、《天生二品》外，仲收录不同remix、demo以及一啲只在数码平台发布的作品，歌曲排序係根据Jace出道以来出歌的顺序，整张大碟听起身，似乎可以感受她的蜕变与成长。歌曲涉猎不同风格，但只係表达手法不同，全部忠实地反映佢专辑的个性。透过呢张专辑，Jace希望表达出：一切都只係过程，一直在改变，不想被定义、被定型，她亦同时不断丰富自己。 享受转变与冲击 喺动律感十足嘅新歌《I Wish》MV中，Jace不但转换唔同造型跳唱，仲挑战埋踩roller同吊威亚！Jace话，自己之前完全唔识roller，今次特登为咗个MV而去学，不但要短时间内学识，仲要踩住roller跳舞，所以真係劲困难。不过呢次经历冇难倒她：“如果再有机会，都想挑战更多嘢，已经有想挑战嘅嘢，不过唔话俾大家听住，等大家迟啲睇到嘅时候有惊喜。” 对于出道以来，主持、演员、歌手等唔同嘅身份转变，Jace觉得，因为每个角色、位置都会有佢嘅难处同收获，不断转变嘅时候就会带嚟好多冲击，而呢啲冲击好多时就係创作嘅灵感。未来，她亦想体验更多唔同嘅工作，或者将每一项工作体验得更加精细。 好多灵感来自朋友故事 问及作品创作灵感来源，Jace坦言，好多歌嘅灵感源自对生活或者身边人的观察，例如《隔离》就係由疫情而延伸出嘅创作灵感；《想突然》、《想正常》、《讲》，好多时都係身边朋友嘅故事。“如果嗰故事打动到我，或者我当时能有嗰个画面记住咗，咁我就会写成歌。”她亦提到未来会想喺题材上延伸多啲，可能唔再讲咁多爱情，比较想讲多啲人生观。 减压放松靠美食 工作压力大嘅时候，Jace会点样为自己减压？对Jace嚟讲，食嘢係最减压、最放松嘅方式。不过既要放松又能提升自己嘅，她会推荐冥想或者睇书。她觉得透过冥想、阅读，係令自己去多啲反思自己、更加放松落嚟，清空一下自己嘅想法，咁先至可以有更多新概念走进脑袋。“如果大家都太忙碌，不妨多啲冥想或者阅读，沉淀自己啦。”
