![]() |
|
![]() |
|
![]() |
|
![]() |
|
![]() |
|
![]() |
|
![]() |
|
![]() |
|
![]() |
|
![]() |
|
![]() |
|
![]() |
|
工具人剥花生! 话咁快充满浪漫气息的七夕佳节又到了,到处都係小情侣“糖黐豆”咁sweet到漏!今年嘅你成功告别单身未吖?如果依然做紧单身贵族,都唔使灰心嘅,只要睇啱时机,主动出击!好似朋友叫去“剥花生”唔怕去,识多啲人都多啲机会搵对象,不过千祈唔好做“电灯胆”喔~ 陈祉伶/图、文 实习生 陈晓彤、邬卓恒/模特 剥花生 mog1 fa1 sang1 以前啲后生仔女拍拖约会怕父母反对,借啲意话带细佬细妹出街玩,实质係去会约。又或者有父母见到女儿有人追求,惊嗰女儿蚀底,都会派幼子幼女陪同姐姐应男友之约。而为免细佬细妹太闷四围走或者打搅两人谈情,通常就会买包花生俾细蚊仔慢慢剥嚟食。所以就将“剥花生”戏称为指陪同他人谈恋爱。 造句:“要我陪埋你哋两个去睇戏?唔制!我唔想剥花生咯。” 十月芥菜——起心 Seb6 yüd6 gai3 coi3 ——héi2 sem1 芥菜係广东地区主要的蔬菜之一,春季栽培的芥菜会在秋季(大概10月)开始孕蕾结种。歇后语所谓的“起心”係指女生在性成熟时的心理变化,对应芥菜孕蕾、长出花心的时期。所以广东民间就用芥菜到十月会长出花心来形容女生(少女)到某个年纪就会开始春心萌动。不过如今意思有所泛化,可泛指少男少女情窦初开,对别人起爱慕之心。 造句:“你最近扮到鬼火咁靓,又成日心不在焉,係咪十月芥菜——起心咧。” 糖黐豆 Tong4 qi1 deo6-2 广府地区在过年等大时大节,会制作糖霜果脯。旧时莲子较为矜贵,富贵人家才会配以糖莲子待客过年,普通人家便放黄豆落锅加以白糖翻炒,糖浆包裹黄豆,冷却后便成黄白相间的糖豆,取“包金带银”的美好寓意。而炒制过程中,糖同豆黐埋一起就好难分得开,人们便取这一现象,形容两人的关系亲密无间,形影不离。 造句:“佢哋两个结咗婚几廿年都仲係日日糖黐豆咁,真系羡慕死人啦!” 电灯胆 Din6 deng1 dam2 电灯胆,即係灯泡。好多人以为用“电灯胆”比喻阻住人哋拍拖,係因为它发光巉眼,而影响现场浪漫气氛,其实係一个误解。“电灯胆”一词,正解应为歇后语——“电灯胆,唔通气”。因为灯泡为真空物体,係不能通气的,而广东话中“唔通气”比喻人不懂人情,唔识回避,不知趣咁解。七夕佳节,记得醒目少少,唔好做阿爸阿妈嘅电灯胆啦。 造句:“人哋两个喺度依揖,你仲坐住唔行开,真係电灯胆唔通气啦。” 生螆猫入眼 Sang1 ji1 mao1 yeb6 ngan5 生螆猫指有皮肤病的猫,戏称男女之间尽管对方、缺点毛病比较明显,还是一往情深,相当于“情人眼里出西施”。亦可以隐喻睇中某人,对某人动心,一见钟情等。尽管呢句俗语本身略含贬义,但喺实际使用时,应结合人物关系和语境判断其是否含贬义,好似调侃死党见到靓女春心动呢种,则不应解读为贬义。 造句:“阿强初见阿珍就已经生螆猫入眼,起势献殷勤啦。” 拉埋天窗 Lai1 mai4 tin1 ceng1 呢个词係广东话中形容“结婚”的一个有趣说法。旧时的西关屋子会在屋子靠近顶端的位置开一扇天窗通风,一般在下雨的情况下才关闭。而新婚夫妇习惯将天窗关好,费事俾外面的人偷睇到里面嘅人做紧乜。“拉埋”有“关起来”的意思,久而久之,“拉埋天窗”就成为结婚的代名词。 造句:“你哋两个拍拖咁耐了,几时拉埋天窗啊?”