|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
五彩蟹钳天妇罗 |
|
|
蟹肉秋葵酥沙拉 |
|
|
|
|
|
|
|
|
|
|
|
招牌墨鱼饼，肉质紧实 |
|
|
可能系全广州炒得最好食嘅牛河 |
|
|
蟹肉沾满咸蛋黄 |
|
|
阿Fit招牌黄金蟹 |
|
|
|
食蟹 俗语话：“秋风起，蟹儿肥！”现时正係食蟹嘅好季节，皆因此时的螃蟹个头大、肉质嫩、蟹钳粗，仲爆膏爆黄！正因如此，民间流传“秋时不品蟹，白在世上走。”入秋以来的第一啖蟹肉，最让人心旷神怡！ 冼颖樱/文 叶思玲/图 “蟹”逅和风，食蟹有道 食蟹道店面为传统典雅嘅日式风格，服务员身穿和服，化身超甜“樱花妹”，令顾客仿佛置身日本。食材上主打三大名蟹：松叶蟹、毛蟹、帝王蟹。均产自深海的三种蟹，蟹肉风味各异，口感普遍紧实，味鲜甘甜，蒸、煮、烤或生食俱佳。其中，松叶蟹肉质最具弹性、最鲜嫩多汁；毛蟹往往浓郁饱满、蟹膏澎湃；帝王蟹蟹如其名，体型硕大，威风凛凛，宛如蟹中帝王。 一蟹多食，极致鲜味 螃蟹究竟可以有几种食法？今次可乐君就带你开下眼界，一齐体验松叶蟹的“一蟹多吃”。首先係蟹肉秋葵酥沙拉，烘干秋葵香脆，衬托出蟹肉本身嘅鲜甜，蟹肉通体粉嫩，饱满丰厚！新鲜蟹腿可烤可蒸，各有风味。烤制唔需额外调味，烤制后蟹钳蟹脚光泽红亮，蟹肉依然保留本身的肉汁。相比起烤制，蒸制鲜味会更加突出，湿润度会更高。店长采用日本进口嘅松木盒进行蒸制，蟹肉入口会有些少木香同竹香，令蟹肉鲜而不腻。 烤、蒸都试完，我哋再试试炸物。五彩蟹钳天妇罗，脆身香口，一啲都唔油腻。蟹宝亦係到店必点嘅菜品！芝士铺底，蟹肉刮丝铺面，一啖落去鲜甜拉丝。松叶蟹壳蒸蛋，係用完整蟹壳做器皿，选用日本无菌蛋做蒸蛋，表面有一层用柚子皮制作而成嘅透明羹汤，甘香嫩滑，连细蚊仔食过都话正！遇事不决？仲有火锅解决！火锅部分，选用蟹腹同蟹背肉，汤底采用日本海鲜酱油、昆布同鲣鱼熬制而成，鲜味十足。 Add 食蟹道 地址：临江大道天德广场1号楼首层B商铺 营业时间：周一至周四10:30-次日02:00 周五至周日10:30-次日04:00 黄金肉蟹，无“蟹”可击 清甜肉蟹+12只咸蛋黄係乜体验？阿Fit招牌黄金蟹话你知，乜叫无“蟹”可击！只选用每日新鲜到店嘅肉蟹，只只生猛威风，仲大过手掌。而一份合格嘅黄金蟹，必须用足12只咸蛋黄，多咗会盖过食材鲜味，少咗又缺乏风味。每块蟹肉都黐满晒咸蛋黄的醇香，带住些少奶味，蟹肉清甜随之而出，主理人话斋“配上红酒一起享用更佳”！ 肥而不腻，样样都FIT 除咗招牌黄金蟹，仲有好多撚手菜值得一试！比如原只碳烤爆黄膏蟹，成只上架炭烧，外壳脆而干爽，入口甘甜一涌而上。蘸少少蟹醋，增加鲜甜，亦可以解油腻。店内牛河亦堪称一绝，造型独特，打卡一流！牛肉大块厚实，河粉上色均匀，爽滑不粘腻，够晒镬气。招牌墨鱼饼的原材料品质优良，饼身金黄微焦，肉质新鲜紧实，配上老世嘅独家酸甜酱料，真系回味无穷！ Add 我揸FIT饮食俱乐部（天德广场店） 地址：临江大道天德广场天德街4-3 营业时间：周一至周日 11:00-次日06:00
