|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
从“罗仲谦”到“罗子溢”，今次，佢化身“星空下的仁医”，同一班小朋友演对手戏。作为“从医”多次嘅老手，佢依然保持耐心；作为新晋爸爸，佢爱囡囡、锡太太……今期Color独家对话饰演小儿科“仁医”文柏熙嘅罗子溢，睇下“医生”身份以外嘅佢，究竟有几大魅力！ 郭玮/文 受访者提供/图 学习中嘅演员 从演多年，“从医”亦已经好几次，罗子溢依然将自己定位成一个“学习中嘅演员”，因为佢觉得自己唔係靓仔，演技亦需要继续磨练。《星空下的仁医》係罗子溢首次挑战小儿科医生嘅角色，佢自言最大难度就係同小朋友演员沟通。啱啱升呢做咗爹地嘅佢，将自己同囡囡相处经验投入到角色中，耐心对待每一件事：向真医生朋友请教专业知识，令到自己嘅演绎更到位；同新晋嘅演员互相交流心得，吸收佢哋嘅活力；肯定大家嘅默契和经验，重在分享。 罗子溢话，佢会回看自己嘅作品，因为希望可以从中学到新嘢，虽然已经出街嘅嘢冇得翻转头，但佢都希望自己下一部作品可以做得更好。做过飞虎、演过pilot，今次再扮医生，佢觉得每次“制服诱惑”都係一个新嘅挑战，冇嘢可以完美，只有继续进步。 廿四孝新手爹地 现阶段，一家人可以健康顺利，罗子溢就已经好感恩了。为咗更好投入工作，罗子溢将屋企更多地交俾太太打理。佢深知顾家唔易，理解太太为屋企嘅付出，所以相信太太，有分歧嘅话迁就太太，係佢作为廿四孝新手爹地嘅自觉。同样逃唔过“囡囡係自己前世情人”嘅“甜蜜魔咒”，罗子溢俾足囡囡100分的爱，今次拍《星空下的仁医》，可以有机会请教郑嘉颖凑小朋友嘅心得，碰巧嘉颖嘅两个小朋友都比佢囡囡要大，两个爸爸有好多关于教育方面嘅经验可以交流借鉴。 成为粉丝的骄傲 形形色色嘅选秀类综艺好多，有演员跨界变歌手，又有歌手翻挞出来做唱跳，真人秀、凑B做家务等等，但罗子溢更倾向于运动、军事类嘅节目。佢仲有一个小小心愿，就係开一间属于自己嘅健身中心，睇得出佢嘅健硕身材唔係浪得虚名，呢个心愿更加证实咗佢对“健身”嘅情有独钟。作为一个“学习中嘅演员”，罗子溢话不排斥多平台发展，因为想让更多人可以认识到佢，同时，佢最希望係自己可以有更多好嘅作品，成为粉丝嘅骄傲。
