|
|
|
|
|
即夹即安装 |
|
|
补光专业套组 |
|
|
组合滤镜镜头 |
|
|
镜头展示 |
|
|
减压泡泡壳 |
|
|
可斜跨手机壳 |
|
|
卡包式手机壳 |
|
|
游戏机手机壳 |
|
|
掌机式手机壳 |
|
|
兔仔暖手充电宝 |
|
|
|
|
|
无线支架式 |
|
|
磁吸背贴充电宝 |
|
|
胶囊应急快充 |
|
|
复古掌机手柄 |
|
|
散热背夹 |
|
|
单边手柄 |
|
|
蓝牙手柄 |
|
|
散热器 |
你印象中嘅手机周边有啲乜物件？保护壳、充电线、耳机……今时今日，斋有呢啲平平无奇嘅“大路货”边够过瘾噶！想颜值飙升、功能升呢？仲想玩出花臣引人注目？Color搜罗好一大堆奇趣周边，全方位帮你upgrade手机！ 陈祉伶/文 网络、品牌官网/图 潮玩机壳，独家！ 想要你嘅手机在“芸芸众机”脱颖而出，最经济实惠嘅方式梗係帮佢换翻个靓look啦！除了保护手机免受磨损外，手机外壳更成为好多潮人展现个人品味嘅时尚单品。仙气时髦、可爱趣怪……想要乜风格都有！除咗颜值之外，手机壳在功能方面都内卷起来了。比如可以挂孭带链条嘅斜跨壳，释放双手嘅同时，等于多咗个时尚零钱小卡包；自带游戏机嘅手机壳，无网无信号，一样可以消遣无聊时光；现代都市人成日都话压力大，好似泡泡包装纸咁，捏出啪啪声嘅减压手机壳可以帮到你，重复使用无数次仲够晒环保添。唔想同人撞款嘅话，仲可以自行DIY滴胶或者手绘，设计属于自己独一无二嘅手机壳啦。 花式续航，贴心！ 呢个时代，食饭、行街、做嘢……样样都要用到手机，手机没电等同一块废砖，每当手机发出低电警告，电量焦虑症即刻发作，所以充电宝简直係出行必备“救心丹”。随住广大潮人要求越来越高，传统砖头式充电宝不再受宠。又要得意又要减负？胶囊式应急充电宝，细到唇膏咁size，随身携带冇负担；唔想棱住条线四围走？磁吸背贴充电宝了解一下！轻薄贴服，完全唔影响电话、游戏等操作；做到魔法阵咁嘅无线支架式充电宝，样靓外形正，驾住部手机边煲剧边充电，周到冇得弹；最近广州气温“满30减15”，有发热功能嘅充电宝就好啱用，卡通造型又暖粒粒，最受女仔欢迎。 开黑上分，爽手！ 对好多人嚟讲，手机除咗係通讯工具，更多时候係打发时间嘅游戏机。虽然手游不断优化适配度，手机玩游戏嘅体验越来越好，触屏操作依然限制咗手感与乐趣。于是，蓝牙游戏手柄把手机变成一个超正嘅手持式游戏机，可以单边手柄chok到爆，啱嗮重度手游爱好者啦；复古掌机就至啱怀旧小游戏；蓝牙全方位手柄操作打击感升嗮级，开黑上分仲唔易过借火？配埋个散热背夹，帧数全开，玩到尽兴，都唔使再惊手机发热焫手啦！ 秒变单反，过瘾！ 外出旅行唔想托住部相机咁重称？喺不同的拍摄环境下，仲要有唔同嘅镜头效果进行搭配，才能拍出好看的大片？谂到斋相机就已经塞满半个行李箱，即刻出游热情都打折。其实唔洗咁惆怅，依家啲手机性能越来越掂，只要加翻几个小配件，手机变单反。细细只嘅外置镜头，效果多多：鱼眼镜头呈现强烈的透视效果，增强感染力；微距镜头，带你感受微观世界，发现细节之美；偏振镜头消除或减轻光斑，增加色彩饱和度……一夹就安装，手机秒变单反，唔好俾设备限制你的摄影创意！
