|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
“大湾区”哥哥又嚟啦！阿lo林晓峰因为《披荆斩棘的哥哥》回归大众视线，近日佢空降羊城创意产业园，打卡、叹啡之余，仲嚟咗搵Color倾密计！经历咗一场“披荆斩棘”之旅，阿lo最大得着有啲咩？平时咁潮嘅佢，关注最多又係咩？跟实Color，听阿lo为你逐一解答啦！ 郭玮/文 杰仔、秦丽莹/图 台上台下的友情岁月 讲起早前收官嘅《披荆斩棘的哥哥》，林晓峰表现出十足嘅唔舍得。当初抱住接job 赚钱嘅心态接受节目组邀约参加节目，阿lo同其他“大湾区哥哥”一样，从未谂过自己会如此备受关注。令佢至今不能忘记嘅舞台，係他同陈小春、谢天华一起合作嘅初舞台，《友情岁月》係佢地拣嚟勾起观众“港式回忆”嘅最佳代表作，阿lo仲用一个“Leon式金句”来纪念嗰个moment ：“唔係我拣呢只歌，係只歌拣咗我！” “大湾区五人组”好团结，上班全员听唔明普通话，收工又一起佛系展现真性情，呢份难能可贵嘅感情，係阿lo 参加节目嘅最大收获。试过未体验过嘅舞台，做咗自己中意嘅事，无论结果係咩，佢都觉冇遗憾了。阿lo觉得自己嘅人生非常完美，有人想交换佢会say no。对于质疑佢地係“瓦面藤菜”嘅声音，佢就话其实佢哋几个事业心好重，聊天群组都净係会倾公事。节目录制时长感人，大家都已经冇咩时间可以hea：“我哋上班、落班都係一条龙，因为我哋係‘龙的传人’！” 通透自在快活人 基于香港人对普通话发音嘅“错误执着”，阿lo 喺节目上创造咗一套佢独有嘅“lo式普通话”，将“儿化音”同“卷脷”用到极致。而正係佢嘅呢份心思，令到“港普”成为“大湾区哥哥”嘅综艺点，阿lo对此表示：“大家见到我哋觉得好笑咪啱啰，我哋做综艺噶嘛！”阿lo仲自曝，平时网上冲浪会搜下自己嘅名，自言记性唔好又笑称自己识字唔多，佢话：“除咗自己个名，之前都搜索‘披荆斩棘’，但太多字啦……轻轻松松林晓峰就好啦！” 阿lo话，自己都唔后生，唔会成日追求身材管理，更多可能关注规律生活，管理自己嘅健康。最近keep 住身材，係因为买咗新衫唔想浪费，除咗得闲睇下关于自律嘅书，佢做得最多嘅消遣竟然係“练呼吸”——静静咁感受啖气通过呼吸道再到达丹田，可以慢慢咁了解自己，渐渐变得通透自在：“其实最麻烦嘅就係自己，你要先接受自己，人地先可能接受你。” Enjoy过程，投入热情 对于未来嘅发展，阿lo话会尝试更加多元嘅方向，最近佢都有考虑同啲音乐人合作，出下单曲咁，但係佢唔会帮自己定计划，因为佢觉得冇人可以做到完全按计划行事，亦冇人可以预测结果。阿lo希望大家可以enjoy 每件事嘅过程，投入自己嘅热情去做事，开开心心咁，世界就会变得更美好！近日，《大湾仔的夜》开播，“五人组”重聚又开始发射笑弹。化身“卫生部长”嘅阿lo，对大排档嘅方方面面都照料到一丝不苟。Color知道，“轻轻松松”係佢俾大家嘅祝福，“投入每件事嘅过程”先係佢做人嘅态度，通通透透，真係完美人生！
