|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
每个人都有自己嘅舒适圈，一旦满足现状，就容易停滞不前！喺街舞圈，如果作为dancer原地“旋转”，可能就永远停在原来嘅舞台：王炎为咗梦想，放弃稳定拒绝平庸；阿k“三心两意”只求更好更强……Color带大家睇睇佢哋如何“跳”出舒适圈，舞出真风采啦！ 郭玮/文 受访者提供/图 阿k档案: 姓名：陈杰 生日：10月14日 中国顶级舞者 多次代表中国斩获国际街舞赛事冠军 中国顶尖HIPHOP街舞团体 X-CREW创始人、队长 《这就是街舞》第二季全国4强 《热血街舞团》亚军 台下小公举，台上“恶”成虎 阿k喺舞台上的表现，相信睇过嘅人都会赞不绝口！过硬嘅身体控制能力，超强地板动作balance，令佢成为名副其实嘅battle king。作为中国顶尖HIPHOP街舞团体x-crew嘅队长，佢喺台上跳舞嘅时候，恶到好似老虎咁；不过当佢返到台下，即刻就可以化身可可爱爱嘅软淋“小公举”。对此，佢就解释道，台上可能会比较不顾一切咁战胜对手，返到台下就会放下battle嘅心，希望可以平等地，有亲和力啲去同大家一起交流、一起玩。因为想曾经喺节目中拣战队嘅时候“三心两意”引发争议，其实都係为咗可以跟唔同嘅队长学更多嘢，双手递毛巾，诚意100分，诚恳程度拉满！今次喺街舞大赛上成为评委，佢认为成为一个好dancer最重要嘅标准就係努力。“因为我每天都很努力地去做我自己想做的事情啊。” 王炎档案： 生日：6月25日 中国舞蹈家协会街舞委员会青少年国家队主教官 中国舞蹈家协会街舞委员会河南联盟秘书长 《这就是街舞4》全球总决赛表演嘉宾 2020年 HHI世界街舞锦标赛中国总决赛裁判 2021年 江小白Just battle国际街舞大赛裁判 拒绝平庸，“唔正经”中找自我 经常以“绅士LOOK”喺台上hip-hop嘅王炎，係舞圈中嘅underground明星，今年作为裁判嚟参加街舞大赛。王炎细个嘅时候受到海外舞团嘅影响，就迷上街舞，喺律动肢体嘅过程中，搵到真正嘅自己。但喺屋企人嘅眼中，呢种“不务正业”係“唔正经”嘅行当，要佢去做“朝九晚五”嘅上班族。上班族虽然有稳定收入同生活，但却失去咗自己嘅初心，最终佢都係瞒住家人重拾舞者身份，搵翻自己嘅同时，佢亦会时不时为此作出思考：身边嘅朋友可能安于现状，但自己会保持良好心态，平衡社会化与自我嘅真实。音乐可以赋予佢最本我嘅情感表达，再拣一次都依然会选择街舞成为自己嘅“伴侣”。不断进步，相信时间、等待机遇，係王炎作为dancer嘅信念。
